पालमपुरम्, 27 मईमासः (हि.स.)।

पूर्वमुख्यमन्त्री तथा पूर्वकेन्द्रीयमन्त्री शान्ताकुमारः उक्तवान् यत् धर्मशालाक्रिकेट् क्रीडांगणस्य कारणेन हिमाचलप्रदेशः विश्वस्य क्रीडामानचित्रे स्वविशिष्टपरिचयं निर्मातुं सफलः अभवत्। तेन उक्तं यत् एतत् क्रीडांगणं स्वस्य सौन्दर्यस्य आधुनिकसुविधानां च कारणेन देशस्य आकर्षकतमानां क्रिकेट् स्टेडियमानां मध्ये परिगण्यते।

शान्ताकुमारेण बुधवासरे एकस्मिन् वक्तव्ये उक्तं यत् क्रीडांगणस्य सम्मुखे हिमाच्छादिता धौलाधारपर्वतमाला अस्य सौन्दर्यं अधिकं वर्धयति, येन अत्र आगच्छन्तः क्रीडकाः पर्यटकाश्च विशेषरूपेण आकर्षिताः भवन्ति। तेन उक्तं यत् धर्मशालाक्रिकेट् स्टेडियम् हिमाचलप्रदेशस्य कृते महान् उपलब्धेः गौरवस्य च विषयः अस्ति।

तेन अस्य क्रीडांगणस्य निर्माणस्य श्रेयः पूर्वकेन्द्रीयमन्त्री अनुरागठाकुराय दत्तम् तथा उक्तं यत् तस्य प्रयासैः तथा तात्कालिकशासनस्य परिश्रमेण एतत् भव्यं स्टेडियम् निर्मितम्। तेन उक्तं यत् भारतस्य अनेकेषु धर्मशालाक्रीडांगणं स्वाभाविकसौन्दर्यस्य आधुनिकसंरचनायाश्च कारणेन पृथक्परिचयं धारयति।

शान्ताकुमारः उक्तवान् यत् अत्र अन्ताराष्ट्रिय तथा राष्ट्रियस्तरस्य प्रतियोगितानां आयोजनात् देशविदेशेभ्यः बहुसंख्यया पर्यटकाः क्रिकेट्प्रेमिणश्च आगच्छन्ति, येन प्रदेशस्य पर्यटनव्यापारयोः अपि पर्याप्तः लाभः भवति।

तेन हिमाचलप्रदेशाय अस्य क्रीडांगणस्य माध्यमेन वैश्विकस्तरे परिचयं प्रदातुं अनुरागठाकुराय अभिनन्दनं प्रदत्तम्।

---------------

Hindusthan Samachar / Dheeraj Maithani