Enter your Email Address to subscribe to our newsletters
नव दिल्ली, 28 मईमासः (हि.स.)।
केन्द्रसर्वकारः देशे कृत्रिमबुद्धिमत्ता शिक्षाम् आधुनिकीं जीविकोन्मुखिनीं च कर्तुं महत्त्वपूर्णं पदं स्थापयितुं सज्जः अस्ति। अस्यै दिशि गुरुवासरे नूतनदिल्ली नगरे केन्द्रीय इलेक्ट्रॉनिक्स तथा सूचना-प्रौद्योगिकीमन्त्री अश्विनीवैष्णवः कृत्रिमबुद्धिमत्ता पाठ्यक्रम कार्यदलस्य सह उच्चस्तरीयां बैठकां सम्पन्नवान्।
बैठके अभियान्त्रिकी तथा सङ्गणकविज्ञान पाठ्यक्रमेषु व्यापकपरिवर्तनस्य विषये चर्चा अभवत्। सर्वकारेण कृत्रिमबुद्धिमत्ता शिक्षायां प्रायोगिकप्रशिक्षणवृद्धिः, उद्योगसम्बद्धा शिक्षा तथा अध्यापकप्रशिक्षणस्य विषये विशेषः बलः प्रदत्तः।
कार्यदलस्य प्रतिवेदनानुसारं भारतीयसंस्थासु कृत्रिमबुद्धिमत्ता सम्बन्धितविषयाः अध्याप्यन्ते, किन्तु जनरेटिव कृत्रिमबुद्धिमत्ता तथा फाउण्डेशन मॉडल इत्यादिषु आधुनिकक्षेत्रेषु अद्यापि प्रायोगिकप्रशिक्षणस्य आधारसंरचनायाश्च न्यूनता वर्तते।
नूतनव्यवस्थायाः अन्तर्गतं छात्रान् आरम्भात् एव उद्योगाधारितपरियोजनाभिः, कैपस्टोन परियोजनाभिः तथा कृत्रिमबुद्धिमत्ता समाधान अभियान्त्रिकीभिः सह सम्बद्धान् कर्तुं योजना निर्मिता। सहैव प्रायोगिकानुभवस्य परिमाणं वर्तमानस्य पञ्चविंशति-त्रिंशत् प्रतिशततः वर्धयित्वा चत्वारिंशत्-पञ्चसप्ततिः प्रतिशतपर्यन्तं नेतुं प्रस्तावः प्रस्तुतः।
सर्वकारः उत्तरदायी कृत्रिमबुद्धिमत्ता तथा कृत्रिमबुद्धिमत्ता शासनं सम्पूर्णपाठ्यक्रमस्य अङ्गरूपेण समावेशयितुं अपि सज्जः अस्ति। तदतिरिक्तं छात्रेभ्यः एकवर्षानन्तरं प्रमाणपत्रम्, द्विवर्षानन्तरं षाण्मासिकपाठ्यक्रमं तथा त्रिवर्षानन्तरं उन्नत-षाण्मासिकपाठ्यक्रमं दातुं व्यवस्थायाः विषये अपि सहमतिः अभवत्।
उपवेशने अध्यापकप्रशिक्षणस्य विषये अपि विशेषचर्चा अभवत्। अस्य अन्तर्गतं ट्रेन-दि-ट्रेनर कार्यक्रमः, आधुनिकाः कृत्रिमबुद्धिमत्ता प्रयोगशालाः तथा उद्योगविशेषज्ञाः एडजंक्ट फैकल्टी रूपेण समावेशयितुं प्रस्तावः प्रस्तुतः।
सर्वकारः, उद्योगक्षेत्रम् तथा शैक्षणिकसंस्थाः एतेषां सहयोगेन साझा कृत्रिमबुद्धिमत्ता आधारसंरचनां विकसितुं योजना निर्मीयते, येन महाविद्यालयेभ्यः जीपीयू कम्प्यूट, सॉफ्टवेयर प्लेटफार्म तथा आधुनिक कृत्रिमबुद्धिमत्ता उपकरणानि उपलब्धानि कर्तुं शक्यन्ते।
सर्वकारः शीघ्रमेव अखिलभारतीयतकनीकीशिक्षापरिषदा सह मिलित्वा नूतनपाठ्यक्रमस्य कार्यान्वयनस्य दिशि अग्रे गमिष्यति।
---------------
Hindusthan Samachar / Dheeraj Maithani