Enter your Email Address to subscribe to our newsletters
मुरादाबादम्, 28 मईमासः (हि.स.)।भारतीयजनतापार्टी मुरादाबादीये महानगरैककस्योपवेशने गुरुवासरे बुद्धिविहारस्थिते पार्टीकार्यालये सम्पन्ना। उपवेशने प्रधानमन्त्री नरेन्द्रमोदिनः दूरदर्शिनेत्रृत्वे एनडीए सर्वकारस्य ऐतिहासिकसफलताभिः परिपूर्णानि द्वादशवर्षाणि आगामिमासस्य सप्तमदिनाङ्के पूर्णानि भविष्यन्ति इति विषये चर्चा कृता।
अस्य उपलक्ष्ये राष्ट्रियाध्यक्षः नितिननवीनः तथा प्रदेशाध्यक्षः पङ्कजचौधरी इत्येतयोः निर्देशानुसारं “द्वादशवर्षाणि विश्वासस्य, विकासस्य, जनकल्याणस्य” पूर्णतायाः शुभावसरे पञ्चमदिनाङ्कात् एकविंशतिदिनाङ्कपर्यन्तं विविधकार्यक्रमाः आयोजयिष्यन्ते।
उपवेशने भाजपामुरादाबादमहानगरप्रभारी तथा जिलासहकारीबैंक रामपुरस्य अध्यक्षः मोहनलालसैनी अवदत् यत् पञ्चमदिनाङ्के “एकं वृक्षं मातुः नाम्ना” अभियाने मण्डलस्तरे प्रत्येकमण्डले वृक्षारोपणकार्यक्रमाः आयोजयिष्यन्ते। सर्वे जनप्रतिनिधयः तथा भाजपापदाधिकारी वृक्षारोपणं करिष्यन्ति।
त्रयोदशचतुर्दशदिनाङ्कयोः महानगरस्तरे मीडियासंवादकार्यक्रमः आयोजयिष्यते, यस्मिन् प्रभारीमन्त्री, सांसदः, महापौरः, विधायकाः तथा महानगराध्यक्षः मुद्रित-वैद्युतमाध्यमानां समक्षं केन्द्रसर्वकारस्य द्वादशवर्षीयसफलतानां वर्णनं करिष्यन्ति।
चतुर्दशषोडशदिनाङ्कयोः जनकल्याणशिविरं, षोडशसप्तदशदिनाङ्कयोः विकसितभारतसंकल्पसम्मेलनं, सप्तदशदिनाङ्कात् विंशतिदिनाङ्कपर्यन्तं केन्द्रस्य मोदीसर्वकारस्य तथा प्रदेशस्य योगीसर्वकारस्य उपलब्धीनां प्रदर्शनी आयोजयिष्यते।
अष्टादशैकोनविंशतिदिनाङ्कयोः प्राकृतिककृषिकार्यशाला सम्पन्ना भविष्यति, एकविंशतिदिनाङ्के अन्ताराष्ट्रिययोगदिवसः आचरिष्यते, तथा षष्ठदिनाङ्कात् चतुर्दशदिनाङ्कपर्यन्तं विशेषजनसंपर्काभियानं चलिष्यति।
उपवेशने भाजपामहानगराध्यक्षः गिरीशभण्डूला अवदत् यत् मोदीसर्वकारस्य “द्वादशवर्षाणि विश्वासस्य, विकासस्य, जनकल्याणस्य” पूर्णतायाः उपलक्ष्ये आयोज्यमानाः सर्वे कार्यक्रमाः सफलतया सम्पन्नाः भविष्यन्ति।
अतिरिक्तरूपेण एकत्रिंशद्दिनाङ्के प्रधानमन्त्री नरेन्द्रमोदिनः सम्बोधितव्यः “मन की बात” कार्यक्रमः महानगरस्य उभयोः विधानसभयोः प्रत्येकबूथेषु आयोजयिष्यते।
उपवेशनस्य अध्यक्षता महानगराध्यक्षः गिरीशभण्डूला अकुर्वत् तथा सञ्चालनं महानगरमहामन्त्री अमितशर्मा अकरोत्।
कार्यशालायां महानगरमहामन्त्री विशालत्यागी, शमीभटनागरः, भरतटण्डनः, नवदीपटण्डनः, अशोकसैनी, कपिलदेवः, हेमराजसैनी, दीपकचौधरी, अभिषेकचौबे, विजयलक्ष्मीपण्डित, सुनीतासैनी, वनितामल्होत्रा, गेत्रपालसिंहः, सुनीताशर्मा, दीक्षान्तचौधरी, मिथुनशर्मा, विपिनप्रजापतिः, सूर्यमोहनशमशेरी, कपिलगुप्तः, राजीवशर्मा, रूपकिशोरः, रविन्द्रगौतमः, रईसचौधरी, बंटीसैनी, संजीववाल्मीकिः इत्यादयः उपस्थिताः आसन्।
Hindusthan Samachar / Dheeraj Maithani