भोपालनगरम्, २८ मे-मासः (हि.स.)। मध्यप्रदेशस्य राजधान्यां भोपालनगरे जलगङ्गासंवर्धन-अभियानस्य अन्तर्गतं जलसंरक्षणम्, भारतीयसंस्कृतिः, पञ्चमहाभूतानि तथा सततविकासः इत्यादिषु विषयेषु केन्द्रितस्य सप्तदिवसीयस्य सदानीरासमागमस्य द्वितीयदिने गुरुवासरे अग्नितत्त्वस्य आकाशतत्त्वस्य च विषये चर्चा भविष्यति।

आयोजकसंस्थायाः वीरभारतन्यासस्य न्यासीसचिवः श्रीरामतिवारी अवदत् यत् सदानीरासमागमे अद्य अग्नितत्त्वस्य आकाशतत्त्वस्य च विषये देशप्रदेशयोः विद्वद्भिः विमर्शः क्रियते। अस्मिन् विमर्शे इस्रो-संस्थायाः निदेशकः प्रकाशचौहानः, इस्रो-संस्थायाः राष्ट्रीय-रिमोट-सेन्सिङ्ग-केन्द्रस्य समूह-निदेशकः डॉ.ईश्वरचन्द्रदासः, टाटा-न्यासस्य सलाहकारः एच.एन. श्रीनिवासः, काशी-हिन्दू-विश्वविद्यालयस्य प्रो.विनयकुमारपाण्डेयः, ओएनजीसी-संस्थायाः पीयूषप्रेरितार्यः तथा प्रो.रामनारायणद्विवेदी, टाटा-सन्स-संस्थायाः चाको-थॉमसः, हिंडाल्को-संस्थायाः सीएसआर-प्रमुखः अविजितः, वेदान्तासमूहस्य अनुपमनिधिः तथा कैल्डेरिस-संस्थायाः उत्सवीदीपकः उपस्थिताः भविष्यन्ति।

Hindusthan Samachar / Divya Ranjan