लखनऊ-नगरम्, २८ मे-मासः (हि.स.)। नगरं स्वच्छं हरितं आधुनिकं च निर्मातुं दिशि लखनऊ-नगर-निगमः निरन्तरं कार्यं करोति। अस्यैव क्रमस्य अन्तर्गतं गुरुवासरे प्रदेश-सर्वकारस्य नगर-विकास-ऊर्जा-मन्त्री अरविन्द-कुमार-शर्मणा जोन-४ अन्तर्गत-भैंसोरा-स्थले स्थितस्य अत्याधुनिक-वेस्ट-मैनेजमेण्ट-सिस्टम-प्लाण्ट इत्यस्य उद्घाटनं कृतम्। प्रायः नव-कोटि-रूप्यकाणां व्ययेन निर्मितस्य अस्य संयन्त्रस्य क्षमता प्रतिदिनं प्रायः १५०-टन-परिमित-कूटकस्य निस्तारणस्य अस्ति। अस्मिन् अवसरे लखनऊ-नगरस्य महापौरा सुषमा-खर्कवालः नगर-आयुक्तः गौरव-कुमारः च उपस्थितौ आस्ताम्।

कार्यक्रमं सम्बोधयन् मन्त्री उक्तवान् यत् नगर-निगमेन स्वच्छता-व्यवस्थां तकनीकी-दृष्ट्या सुदृढां पर्यावरण-अनुकूलां च कर्तुं निरन्तर-प्रयत्नाः क्रियन्ते। ए.के.शर्मणा उक्तं यत् लखनऊ-नगरे कुत्रापि कूटकस्य राशयः न दृश्येरन् तथा प्रतिदिनं कूड़स्य नियमित-निस्तारणं सुनिश्चितं क्रियेत। लखनऊ-नगरं स्वच्छं सुन्दरं हरितं आधुनिकं च निर्मातुं उद्देश्येन नगर-निगमः सततं कार्यं करोति, येन अत्र आगच्छन् प्रत्येकं जनः नगरस्य स्वच्छतया हरितिम्ना च प्रभावितः भवेत्।

नगर-निगमेन अष्टसु विभागेषु ५१ स्थलेषु अत्याधुनिक-वेस्ट-मैनेजमेण्ट-सिस्टम-प्लाण्ट-निर्माणार्थं स्थानानि चिह्नितानि सन्ति। तेषु २४ स्थलेषु कार्यं सम्पन्नं जातम्। १५ स्थलेषु निर्माण-कार्यं प्रगतौ वर्तते तथा अवशिष्टेषु १२ स्थलेषु शीघ्रमेव कार्यारम्भः भविष्यति। भैंसोरा-स्थितस्य अस्य संयन्त्रस्य सञ्चालनात् भरवारा-वार्ड, मल्हौर-वार्ड, खरगापुर-वार्ड, गोमती-नगर-विस्तारः इत्यादीनां समीपवर्ती-क्षेत्राणां च कूड़-संग्रहण-निस्तारण-व्यवस्था अधिकं सुदृढा भविष्यति। सहैव समीपवर्तिनां समस्त-जीवीपी (गार्बेज्-वल्नरेबल्-पॉइण्ट्स्) इत्येषां समापनम् अपि कर्तुं शक्यते।

प्रायः द्वि-एकड़-क्षेत्रफले विकसिते अस्मिन् परिसरे १५० वाहनानां कृते चार्जिङ-पॉइण्ट-व्यवस्था अपि कृता अस्ति, येन विद्युत्-वाहनानां सञ्चालनं प्रोत्साहनं प्राप्स्यति। अतिरिक्तरूपेण परिसरे हरित-पट्टिकायै हरियाल्यै च पर्याप्तं स्थानं विकसितं कृतम् तथा अद्यावधि प्रायः ४००० पादपानां रोपणम् अपि कृतम्।

Hindusthan Samachar / Divya Ranjan