कोलकाता, 28 मईमासः (हि.स.)।पश्चिमबङ्गप्रदेशस्य मुख्यमन्त्री शुभेन्दु अधिकारी गुरुवासरे पुनः नदियाजिलस्य प्रवासं कृतवान्। मङ्गलवासरे कल्याणीस्थले प्रशासनिकबैठकां कृत्वा अधुना तेन मायापुरस्थितस्य इस्कॉनसंस्थायाः भ्रमणं कृतम्। मुख्यमन्त्रिपदग्रहणानन्तरं एषः तस्य प्रथमः मायापुरइस्कॉनप्रवासः अस्ति।

इस्कॉनप्रबन्धनस्य निमन्त्रणेन गुरुवासरस्य प्रातःकाले शुभेन्दु अधिकारी हावड़ास्थितात् डुमुरजलास्थलात् हेलिकॉप्टरयानद्वारा मायापुरं प्राप्तवान्। प्रातः प्रायः ११ वादने तस्य हेलिकॉप्टरयानं मायापुरहेलिपैडस्थले अवतीर्णम्। तत्र साधुसन्तैः तस्य स्वागतं कृतम्। ततः अनन्तरं मुख्यमन्त्री प्रत्यक्षतया इस्कॉनसंस्थायाः गोशालां गतवान्, यत्र तेन गोमातुः विशेषपूजायां सहभागिता कृता।

मुख्यमन्त्री गोशालायां गोसेवाकार्यक्रमे भागं गृहीत्वा गोमातरं चारा अपि खादितवान्। ततः अनन्तरं तस्य कार्यक्रमः मायापुरस्य मुख्यचन्द्रोदयमन्दिरे विशेषपूजापाठयज्ञेषु सहभागितायाः आसीत्। सहैव तेन साधुसन्तैः सह बैठकाः अपि कृताः।

मुख्यमन्त्रिणः अस्य इस्कॉनप्रवासस्य कारणेन गुरुवासरस्य प्रातःकालात् एव मायापुरमन्दिरपरिसरे कड़ी सुरक्षा व्यवस्था दृष्टा। शुभेन्दु अधिकारी इत्यस्य आगमनात् पूर्वमेव सम्पूर्णक्षेत्रे उत्सवसदृशं वातावरणं निर्मितम् आसीत्। कीर्तनभक्तिसंगीतयोः मध्ये तस्य स्वागतं कृतम्।

राजनीतिकवर्त्मसु मुख्यमन्त्रिणः अयं प्रवासः अत्यन्तं महत्त्वपूर्णः मन्यते। आध्यात्मिककार्यक्रमस्य सहैव अस्य राजनीतिकसन्देशः अपि अस्ति इति मन्यते। उल्लेखनीयम् अस्ति यत् अस्मिन्नेव वर्षे फरवरीमासे केन्द्रीयगृहमन्त्री अमित शाह अपि मायापुरइस्कॉनकार्यक्रमे सहभागी अभवत्। तस्मिन् अवसरे शुभेन्दु अधिकारी अपि तेन सह उपस्थितः आसीत्।

अस्मात् पूर्वं मुख्यमन्त्री हाल एव बेलूड़मठं अपि गतवान् आसीत्। २१ मई दिने बेलूड़मठं गत्वा तेन महाराजैः सह भेंटः कृता आसीत्। तत्र तस्मै स्वामी विवेकानन्दस्य पुस्तकानि पुष्पगुच्छश्च समर्पिताः आसन्। तस्मिन् समये मुख्यमन्त्रिणा शिक्षा स्वास्थ्यसेवा आध्यात्मिकतायाः प्रसारस्य च विषये बलं दत्तम्।

Hindusthan Samachar / Dheeraj Maithani