Enter your Email Address to subscribe to our newsletters
सीबीएसई-संस्थायाः नूतनया त्रि-भाषा-नीत्या विद्यार्थिनां बौद्धिक-क्षमता वर्धिष्यते : डॉ.शरद-चौधरी
सीवान-नगरम्, २८ मे-मासः (हि.स.)। केन्द्रीय-माध्यमिक-शिक्षा-परिषदः (सीबीएसई) नूतना त्रि-भाषा-नीतिः शिक्षाक्षेत्रे सकारात्मकः दूरदर्शी-प्रयत्नः च मन्यते। शिक्षा-विशेषज्ञानां मतम् अस्ति यत् एषा नीतिः विद्यार्थिनां समग्र-विकासेन सह तान् भाषिक-सांस्कृतिक-बौद्धिक-दृष्ट्या अधिक-सक्षमाः करिष्यति।
विद्या-भारती-बिहारस्य कार्यकारिणी-सदस्यः महावीरी-सरस्वती-विद्या-मन्दिरस्य विजयहाता-सीवानस्य अध्यक्षः च डॉ.शरद-चौधरी उक्तवान् यत् नूतन-नीतेः मुख्योद्देश्यं विद्यार्थिषु बहुभाषिक-क्षमतायाः विकासः, मातृभाषायाः भारतीय-भाषा: प्रति च सम्मान-वृद्धिः तथा तान् राष्ट्रीय-वैश्विक-अवसरेभ्यः सज्जीकर्तुम् अस्ति।
तेन उक्तं यत् नूतन-व्यवस्थायाः अन्तर्गतं विद्यार्थिनां कृते तिसृणां भाषाणाम् अध्ययनम् अनिवार्यं भविष्यति, यासु न्यूनातिन्यूनं द्वे भारतीय-भाषे भविष्यतः। अनेन बालकेषु भारतीय-संस्कृतेः, परम्परायाः, विविधतायाः च प्रति बोधः सम्मानश्च वर्धिष्यते।
डॉ.चौधरी स्पष्टतया उक्तवान् यत् तृतीय-भाषायाः कृते दशम-कक्षायां पृथक् बोर्ड-परीक्षा आयोजिता न भविष्यति। तस्याः मूल्याङ्कनं विद्यालय-स्तरे आन्तरिक-रूपेण भविष्यति, येन विद्यार्थिनाम् उपरि अतिरिक्त-परीक्षा-भारः न भविष्यति तथा ते सहजतया नूतन-भाषाः अधिगन्तुं शक्नुवन्ति।
तेन एतदपि उक्तं यत् अस्याः नीत्याः अन्तर्गतं कस्याश्चित् विशिष्ट-भाषायाः आरोपणस्य प्रयासः न क्रियते। सीबीएसई-संस्था पूर्वमेव पञ्चचत्वारिंशदधिक-भाषाणां विकल्पं प्रददाति, येन विद्यार्थिभ्यः स्वस्य रुच्याः आवश्यकतायाः च अनुसारं भाषां चेतुं स्वतन्त्रता भविष्यति।
अभिभावकान् शिक्षकाश्च प्रति आह्वानं कुर्वन् डॉ.शरद-चौधरी उक्तवान् यत् ते बालकान् विविध-भाषाणां अध्ययनाय प्रेरयेयुः, यतः “अधिक-भाषाः, अधिक-बोधः, उत्तमं भविष्यं च” इति दिशि एषा नीतिः सुदृढ-आधारः सिद्धा भविष्यति।
हिन्दुस्थान समाचार / Divya Ranjan