Enter your Email Address to subscribe to our newsletters
—सामुदायिक स्वास्थ्य अधिकारी अददात्स्वच्छतायाः पोषणस्य च सूचना
वाराणसी, 28 मईमासः (हि.स.)। विश्वमहामारीदिवसे गुरुवासरे उत्तरप्रदेशस्य वाराणसीजनपदस्य कोरौतबाजारे किशोरीभिः महिलाभिश्च जनजागरूकतारालिका निष्कासिता। यूनिटीफाउण्डेशन ऊंचगांव इत्यस्य तत्वावधाने निष्कासितायां रालिकायां सम्मिलिताभिः किशोरीभिः महिलाभ्यः माहवारीस्वच्छतायाः प्रति जागरूकतां धारयितुम् आह्वानं कृतम्।
कार्यक्रमस्य शुभारम्भः फाउण्डेशनस्य निदेशकेन कन्हैयालालेन विषयप्रवेशेन सह कृतः। तेन उक्तं यत् मानवजीवनस्य जन्मनि महिलानां माहवारीचक्रस्य महत्त्वपूर्णं योगदानम् अस्ति, अतः प्रतिवर्षं मईमासस्य अष्टाविंशतितमे दिने विश्वमाहवारीदिवसः आचर्यते। कोरौता जनआरोग्यमन्दिरस्य सामुदायिकस्वास्थ्याधिकारिणी प्रिया मल्ल इत्यनया किशोरीभ्यः महिलाभ्यश्च मासिकधर्मचक्रम्, तेन सम्बद्धाः समस्याः, स्वच्छता तथा पोषणस्य विषये विस्तृतसूचना प्रदत्ता। तया माहवारीकाले स्वच्छता, सन्तुलिताहारः तथा स्वास्थ्यस्य प्रति जागरूकता धारयितुं प्रेरणा दत्ता।
रालिकायां सम्मिलिताभिः महिलाभिः किशोरीभिश्च कार्यालयपरिसरात् सरदार वल्लभभाई पटेलस्य प्रतिमां यावत् जागरूकतारालिका निष्कासिता। कार्यक्रमस्य संचालनम् उर्मिलया कृतम् तथा धन्यवादज्ञापनं निर्मलया प्रदत्तम्।
Hindusthan Samachar / Dheeraj Maithani