Enter your Email Address to subscribe to our newsletters
देहरादूनम्, 28 मईमासः (हि.स.)।भारतीयजनतापक्षस्य राष्ट्रियाध्यक्षः नितिन नवीनो गुरुवासरे सायंकाले त्रिदिवसीयप्रवासार्थम् उत्तराखण्डं प्राप्स्यति। तस्य आगमनं प्रति प्रदेशभाजपासङ्गठने कार्यकर्तृषु च महान् उत्साहः दृश्यते।
विमानस्थानकात् आरभ्य भाजपा प्रदेशमुख्यालयपर्यन्तं कार्यकर्तॄणां सक्रियसहभागिता स्वागतकार्यक्रमाणां च व्यापकाः व्यवस्थाः कृताः सन्ति।
राष्ट्रियाध्यक्षस्य एषः उत्तराखण्डस्य प्रथमः प्रवासः अस्ति। संगठनदृष्ट्या अयं प्रवासः अत्यन्तं महत्त्वपूर्णः मन्यते। प्रवासकाले सः पक्षपदाधिकाऱिभिः जनप्रतिनिधिभिः संगठनस्य विभिन्नप्रकोष्ठैः कार्यकर्तृभिश्च सह बैठकाः करिष्यति तथा आगामीराजनीतिकरणनीतेः विषये चर्चां करिष्यति। संगठनविस्तारः बूथसशक्तिकरणं प्रदेशसरकारस्य योजनाः इत्यादिविषयेषु अपि मन्थनं भविष्यति।
राष्ट्रियाध्यक्षस्य स्वागतार्थं बलबीर रोडस्थिते भाजपा प्रदेशमुख्यालये प्रातःकालात् एव पक्षपदाधिकाऱिणः कार्यकर्तारश्च बहुसंख्यया आगन्तुं प्रारब्धवन्तः। प्रदेशमुख्यालयस्य विशेषरूपेण सज्जा कृता अस्ति। पक्षस्य वरिष्ठनेतारः जनप्रतिनिधयः विभिन्नमोर्चानां कार्यकर्तारः संगठनपदाधिकाऱिणश्च स्वागतकार्यक्रमस्य सिद्धतासु निरताः सन्ति।
भाजपानेतॄणां अनुसारं विमानस्थानकात् आरभ्य पक्षमुख्यालयपर्यन्तं प्रायः पञ्चविंशतिस्थानेषु राष्ट्रियाध्यक्षस्य स्वागतं भविष्यति। युवा महिला मोर्चायाः कार्यकर्तारः पारम्परिकवेषभूषाभिः सांस्कृतिकशैल्यां च स्वागतं करिष्यन्ति।
निर्धारितकार्यक्रमानुसारं राष्ट्रियाध्यक्षः नितिन नवीन सायं ४:३५ वादने जॉलीग्राण्ट विमानस्थानकं प्राप्स्यति। ततः सः प्रत्यक्षतया भाजपा प्रदेशकार्यालयं गमिष्यति। सायं ६:१५ वादने प्रदेशकोरसमितेः उपवेशनंभविष्यति, ततः अनन्तरं मन्त्रिभिः सह पृथक् उपवेशनस्य आयोजनं भविष्यति।
प्रदेशभाजपानेतृत्वस्य अनुसारं राष्ट्रियाध्यक्षस्य अयं प्रवासः आगामीनिर्वाचनसज्जानां संगठनात्मकक्रियाकलापानां च नूतनां दिशां दास्यति इति मन्यते। भाजपा प्रदेशाध्यक्षः महेन्द्र भट्ट उक्तवान् यत् राष्ट्रियाध्यक्षस्य मार्गदर्शनं कार्यकर्तृषु नूतनऊर्जायाः सञ्चारं करिष्यति तथा संगठनं अधिकं सुदृढं भविष्यति।
२९ मई दिने राष्ट्रियाध्यक्षः मुख्यमन्त्रिणा सह मुख्यमन्त्रिणः आवासे मिलनं जलपानकार्यक्रमे च सहभागी भविष्यति। ततः अनन्तरं सः दिवंगतपूर्वमुख्यमन्त्रिणः बी सी खण्डूरिणः आवासं गत्वा श्रद्धाञ्जलिं समर्पयिष्यति तथा परिवारजनैः सह मेलनंकरिष्यति।
अस्मिन्नेव दिने सांसदैः विधायकैः प्रदेशपदाधिकाऱिभिः मोर्चाध्यक्षैः जिलाप्रभारिभिः जिलाध्यक्षैश्च सह संगठनात्मकोपवेशनानां प्रस्तावः अस्ति। महापौरैः नगरनिकायप्रतिनिधिभिः जिलापञ्चायताध्यक्षैः ब्लॉकप्रमुखैश्च सह अपि पृथक् गोष्ठ्याः आयोजनं भविष्यति।
सायंकाले मीडिया सोशल मीडिया आईटीविभागस्य कार्यकर्तृभिः प्रदेशप्रवक्तृभिश्च सह संवादकार्यक्रमः आयोजितः अस्ति। प्रवासकाले परमार्थनिकेतने गङ्गाआरत्याः संतसमाजेन सह भेंटकार्यक्रमस्य च आयोजनम् अस्ति। एतत् प्रवासस्य प्रमुखाध्यात्मिककार्यक्रमरूपेण मन्यते, यत्र राष्ट्रियाध्यक्षः संतसमाजात् आशीर्वादं प्राप्स्यति तथा धार्मिकसामाजिकविषयेषु चर्चां करिष्यति।
३० मई दिने राष्ट्रियाध्यक्षः टपकेश्वरमन्दिरे दर्शनं करिष्यति। ततः अनन्तरं सः बूथाध्यक्षानां आवासेषु जलपानकार्यक्रमे सहभागी भविष्यति तथा बूथसमितेः बैठके भागं गृह्णीयात्। डाकरा बाजारक्षेत्रे बूथसमितेः कार्यकर्तृभिः सह संवादकार्यक्रमः अपि आयोजितः भविष्यति।
ततः अनन्तरं शिवालिक कॉलेज ऑफ इंजीनियरिंग संस्थायां “विकसित भारत २०४७ : उच्चशिक्षायाः परिवर्तनकारी भूमिका” इति विषये प्रबुद्धगोष्ठ्याः आयोजनं भविष्यति। मुख्यमन्त्रिकैम्पकार्यालये युवासंवादकार्यक्रमस्य अन्तर्गतं राष्ट्रियाध्यक्षः युवभिः सह प्रत्यक्षसंवादं करिष्यति। निर्धारितकार्यक्रमानुसारं सायंकाले सः जॉलीग्राण्ट विमानस्थानकात् दिल्लीं प्रति प्रस्थितः भविष्यति।
Hindusthan Samachar / Dheeraj Maithani