देहरादूनम्, 28 मईमासः (हि.स.)।

ईद्-उल्-अजहा (बकरा ईद्) इत्यस्य नमाजप्रार्थनायाः अनन्तरम् ईदगाहे मुस्लिमसेवासंगठनस्य उपाध्यक्षः आकिब कुरैशी इत्यस्य नेतृत्वे संगठनस्य कार्यकर्तारः हस्तेषु बैनराणि धृत्वा गाम् राष्ट्रपशुरूपेण घोषितुं याचनां कृतवन्तः। अस्मिन् अवसरे कार्यकर्तारः शान्तिपूर्णरीत्या स्वविचारान् प्रस्तूय सामाजिकसौहार्दस्य भ्रातृत्वस्य पशुसंरक्षणस्य च सन्देशं दत्तवन्तः।

कार्यक्रमं सम्बोधयन् मुस्लिमसेवासंगठनस्य उपाध्यक्षः आकिब कुरैशी उक्तवान् यत् गौः भारतीयसंस्कृतेः सभ्यतायाः ग्रामीणार्थव्यवस्थायाश्च महत्त्वपूर्णः अंशः अस्ति। देशस्य कोटिशः जनाः गाम् आस्थया सम्मानदृष्ट्या च पश्यन्ति। तेन उक्तं यत् मुस्लिमसमाजः सर्वदा पारस्परिकभ्रातृत्वस्य मानवतायाः देशस्य एकतायाश्च समर्थकः अभवत्।

आकिब कुरैशी उक्तवान् यत् गोसंरक्षणस्य विषये सर्वकारेण सुदृढानि प्रभाविणि च पदानि ग्रहीतव्यानि तथा गाम् राष्ट्रपशुरूपेण घोषितव्यम्, येन तस्याः संरक्षणसंवर्धनयोः अधिकं सुदृढता प्राप्तुं शक्येत। तेन उक्तं यत् अस्य उपक्रमस्य उद्देश्यं समाजे सकारात्मकसन्देशं दातुं तथा सर्वेषां समुदायानां मध्ये प्रेमसौहार्दयोः संवर्धनं कर्तुम् अस्ति।

अस्मिन् अवसरे संगठनस्य कार्यकर्तारः “गां राष्ट्रपशु घोषितं कुरुत” इत्यादिसन्देशलिखितानि प्लेपत्राणि हस्तेषु धृत्वा स्वमागं प्रस्तुतवन्तः। कार्यक्रमः शान्तिपूर्णरीत्या सम्पन्नः।

Hindusthan Samachar / Dheeraj Maithani