देहरादून-नगरम्, २८ मे-मासः (हि.स.)। मुख्यमन्त्रिणा पुष्कर-सिंह-धामिना गुरुवासरे मुख्यमन्त्री-शिविर-कार्यालये काउन्सिल-ऑन-एनर्जी, इन्वायरन्मेण्ट-एण्ड-वॉटर (सीईईडब्ल्यू) इत्यस्य पक्षतः निर्मितायाः ‘सौर-जागरूकता-स्मारिका’ इत्यस्या: विमोचनं कृतम्। अस्मिन् अवसरे मुख्यमन्त्रिणा उक्तं यत् एतत् केवलं पुस्तिकायाः विमोचनं न, अपितु उत्तराखण्डस्य उज्ज्वल-आत्मनिर्भर-हरित-भविष्यस्य निर्माण-दिशि सामूहिक-सङ्कल्पस्य प्रतीकं वर्तते।

मुख्यमन्त्री उक्तवान् यत् वर्तमान-समये सम्पूर्णः विश्वः जलवायु-परिवर्तनस्य, ऊर्जा-संकटस्य पर्यावरणीय-समस्याया: च समक्षं करोति। एतादृशे काले सौर-ऊर्जा केवलं विकल्पः न, अपितु आगामि-पीढीनां सुरक्षित-भविष्यस्य आवश्यकता अभवत्। तेन उक्तं यत् प्रधानमन्त्रिण: नरेन्द्र-मोदिनः मार्गदर्शने सञ्चाल्यमानायाः पीएम-सूर्य-गृह-योजनायाः अन्तर्गतं उत्तराखण्डेन उल्लेखनीयाः उपलब्धयः प्राप्ताः, याः देशस्य कृते प्रेरणास्रोतांसि भवन्ति।

तेन उक्तं यत् राज्येन ४० सहस्र-रूफटॉप-सोलर-संयन्त्राणां प्रारम्भिक-लक्ष्यं निर्धारित-समयात् पूर्वमेव प्राप्तम् तथा निर्धारित-लक्ष्यस्य प्रायः ९५ प्रतिशतं कार्यं सम्पन्नम्। मुख्यमन्त्री उक्तवान् यत् पीएम-सूर्य-घर-योजनायाः प्रभावी-क्रियान्वयने उत्तराखण्डः देशस्य शीर्ष-राज्यानां श्रेण्यां समागतः।

मुख्यमन्त्री उक्तवान् यत् वर्षात् २०२४ प्रभृति: केवलं द्विवर्षयोः अन्तरे राज्येन सौर-ऊर्जा-क्षमतायां प्रायः दशगुणा वृद्धिः अभिलेखिता। उत्तराखण्डः प्रायः २९० मेगावाट्-क्षमतायुक्तानां आवासीय-रूफटॉप-सोलर-संयन्त्राणां स्थापने सफलः अभवत्। तेन एतत् ऊर्जा-क्षेत्रे आत्मनिर्भर-उत्तराखण्डस्य निर्माणस्य दिशि ऐतिहासिकी उपलब्धिः इति कथितम्।

मुख्यमन्त्रिणा यूपीसीएल, ऊरेडा, क्षेत्रीय-अधिकारीणां तथा अस्मिन् अभियाने सम्बद्धानां सर्वेषां विभागानां संस्थानां च समन्वित-प्रयत्नानां प्रशंसा कृता। तेन उक्तं यत् एषा सफलता ‘टीम्-उत्तराखण्ड’ इत्यस्य सामूहिक-प्रतिबद्धतायाः समर्पणस्य च परिणामः अस्ति।

तेन उक्तं यत् राज्य-सर्वकारेण आयोजितः ‘सौर-कौथिगः’, व्यापक-जन-जागरूकता-अभियानम्, नुक्कड्-नाटकम् तथा अधिकारीणां विशेष-प्रशिक्षण-कार्यक्रमाः प्रदेशे सौर-ऊर्जायाः प्रति सकारात्मकं वातावरणं निर्मितवन्तः। मुख्यमन्त्रिणा सीईईडब्ल्यू-दलस्य सहयोगस्य योगदानस्य च प्रशंसा अपि कृता।

मुख्यमन्त्री उक्तवान् यत् राज्य-सर्वकारस्य उद्देश्यं केवलं सोलर-संयन्त्राणां स्थापना न, अपितु प्रत्येकं नागरिकं स्वच्छ-ऊर्जा-क्रान्तेः सक्रिय-सहभागितां कर्तुम् अस्ति। तेन उक्तं यत् सौर-ऊर्जायाः व्यापक-प्रयोगेण सामान्य-नागरिकाणां विद्युत्-व्यये न्यूनता भविष्यति, पर्यावरण-संरक्षणं सुदृढं भविष्यति तथा अग्रिम-वंशेभ्यः स्वच्छं सुरक्षितं हरितं च भविष्यं प्राप्तं भविष्यति।

मुख्यमन्त्रिणा विश्वासः व्यक्तीकृतः यत् आगामि-समये उत्तराखण्डः नवीकरणीय-ऊर्जा-क्षेत्रे देशस्य समक्षम् प्रेरणादायक-आदर्श-प्रतिमानरूपेण स्थापितः भविष्यति।

अस्मिन् अवसरे विधायकः सुरेश-गडिया, प्रमुख-सचिवः डॉ.आर. मीनाक्षी-सुन्दरम्, सचिवः विनय-शङ्कर-पाण्डेयः, सीईईडब्ल्यू-इत्यस्य मुख्य-कार्यकारी-अधिकारी डॉ.अरुणाभ-घोषः, पिटकुल्-इत्यस्य प्रबन्ध-निदेशकः डॉ.मेहरबान-सिंह-बिष्टः, यूपीसीएल-इत्यस्य प्रबन्ध-निदेशकः जी.एस.बुदियालः इत्येतै: सह सम्बद्ध-विभागानां अधिकारिणः उपस्थिताः आसन्।

Hindusthan Samachar / Divya Ranjan