दिग्गजअभिनेता अनुपमखेरः स्वस्य ५५२तमचलच्चित्रस्य ‘श्रीरामभूमेः’ आधिकारिकघोषणां कृतवान्। अभिनेत्रा सामाजिकमाध्यमेषु चलच्चित्रस्य मुहूर्तचित्राणि सहकृत्य सूचितं यत् अस्य चित्रस्य चित्राङ्कनकार्यं अपि आरब्धम् अस्ति। अनुपमखेरेण एषा परियोजना “सत्यस्य, आस्थायाः, गृहप्रत्यागमनस्य च कथा” इति वर्णिता तथा च तेन उक्तं यत् अस्य चलच्चित्रस्य भागत्वेन सः अत्यन्तं गौरवान्वितः अनुभवं करोति।

अनुपमखेरेण सहकृतासु चित्रेषु सः क्लैपरबोर्डं धारयन् दृष्टः, यस्मिन् चलच्चित्रस्य शीर्षकं ‘रामभूमि’ इति लिखितम् आसीत्। स्वस्य पोस्ट् मध्ये तेन लिखितं— “स्वस्य ५५२तमचलच्चित्रस्य ‘श्रीरामभूमेः घोषणां कुर्वन् अहम् अत्यन्तं हर्षं गौरवं च अनुभवामि। प्रत्येकस्मिन् दशके प्रत्येकस्यां शताब्द्यां च एका एतादृशी कथा आगच्छति, या कथनीया भवति। एषा सत्यस्य, आस्थायाः, गृहप्रत्यागमनस्य च कथा अस्ति।” अभिनेतुः एषा भावपूर्णा पोस्ट् सामाजिकमाध्यमेषु प्रशंसकैः उत्तमप्रतिक्रियाम् अवाप।

चलच्चित्रस्य निर्देशनं कामाख्यानारायणसिंहेन क्रियते। तथा च चलच्चित्रे ऋत्विकभौमिकः अमृताखानविलकरः च महत्त्वपूर्णभूमिकासु दृश्येते। अधुना चलच्चित्रस्य कथावस्तुं विमोचनतिथिं च प्रति अधिकसूचना न प्रकाशिताः, किन्तु घोषणायाः अनन्तरं दर्शकानां मध्ये अस्य विषये उत्सुकता वर्धिता अस्ति।

---

Hindusthan Samachar / Dheeraj Maithani