न्यूयॉर्कम्, 29 मईमासः (हि.स)।

भारतस्य वाणिज्य-उद्योगमन्त्री पीयूषगोयलः अमेरिकी-व्यापारजगतः प्रतिनिधिभ्यः उक्तवान् यत् भारतस्य अमेरिकादेशेन सह व्यापारसहमतिविषये प्रचलितायां वार्तायां “उत्साहवर्धिनी प्रगतिः” अभवत् तथा उभौ देशौ अस्य विषये अन्तरिमसहमतेः समीपं प्राप्तवन्तौ।

केन्द्रीयवाणिज्य-उद्योगमन्त्री पीयूषगोयलः गुरुवासरस्य रात्रौ अत्र अन्ताराष्ट्रियव्यापारजगतः दिग्गजैः सह संवादसमये एतां सूचनां दत्तवान्।

केन्द्रीयवाणिज्य-उद्योगमन्त्री ‘एक्स’ इति सामाजिकमाध्यमे प्रकाशितलेखे उक्तवान् यत् न्यूयॉर्कनगरे आयोजितायां गोलमेजबैठके तेन ५० अधिकैः वैश्विकव्यापार-उद्योगजगतः नेतृभिः सह संवादः कृतः। तेन उक्तं यत् अस्य कार्यक्रमस्य आयोजनं अमेरिकादेशस्य न्यूयॉर्कनगरे स्थितेन भारतस्य महावाणिज्यदूतावासेन अमेरिकी-भारत-रणनीतिकसहकारितामञ्चस्य (यूएसआईएसएफ) सहकार्येण कृतम्।

पीयूषगोयलः उक्तवान् यत् गोलोत्पीठिकोपवेशने वैश्विकव्यापारिणां मध्ये प्रधानमन्त्री नरेन्द्रमोदीस्य नेतृत्वे भारतस्य सुदृढविकासगाथा, सुधाराधारितव्यापारपर्यावरणम् तथा वैश्विकनिवेशकानां कृते वर्धमानाः अवसराः प्रकाशे स्थापिताः। तेन सह साझा-समृद्ध्यर्थं भारत-अमेरिकयोः मध्ये व्यापार, निवेश, नवाचार तथा आपूर्ति-श्रृंखलासम्बद्धसहकारिता अधिकगभीराः कथं क्रियेरन् इति विषये चर्चा अभवत्।

गोयलेन उद्योगजगतः अनेकैः प्रमुखैः सह द्विपक्षीयबैठकाः अपि कृताः। मॉर्गनस्टैनली-संस्थायाः अध्यक्षेन मुख्यकार्यपालकाधिकाऱिणा (सीईओ) टेडपिक इत्यनेन सह बैठके भारते दीर्घकालिकनिवेशस्य संस्थागतसाझेदार्याश्च सुदृढीकरणविषये चर्चा कृता। तेन वारबर्गपिंकस-संस्थायाः अध्यक्षेन चिपके इत्यनेन सह वैश्विकनिवेशपरिदृश्यस्य भारतस्य उदितानाम् आर्थिकावसराणां च विषये विचारविमर्शः कृतः।

गोयलः उक्तवान् यत् एमनीलफार्मास्यूटिकल्स-संस्थायाः सहसंस्थापकेन सह-सीईओ चिंटूपटेल इत्यनेन सह बैठके भारतस्य औषधिक्षेत्रे निवेशस्य नवाचारस्य च वृद्ध्यवसराः चर्चिताः। तदतिरिक्तं मास्टरकार्ड-संस्थायाः सीईओ माइकलमीबैक इत्यनेन सह गोयलेन डिजिटलवाणिज्ये, डिजिटलसुरक्षायां तथा नूतनपीढ्याः भुगतानप्रणालीषु सहयोगवृद्धेः विषये विचारः कृतः।

यूएसआईएसपीएफ-संस्थया अपि एकस्मिन् वक्तव्ये उक्तं यत् पीयूषगोयलेन अस्मिन् विषये बलं दत्तं यत् निवेशकानां विश्वासः, व्यापारस्य स्थिरता तथा सुदृढं नियामकीयपर्यावरणं भारतशासनस्य सर्वोच्चप्राथमिकतासु अन्तर्भूतानि सन्ति।

अस्मात् पूर्वं २५ मईतः २७ मईपर्यन्तं पीयूषगोयलस्य नेतृत्वे १५० अधिकसदस्यानां व्यापारप्रतिनिधिमण्डलं कनाडादेशं गतवान्, यत्र वाणिज्य-उद्योगमन्त्रिणा निवेशाकर्षणाय, सहयोगवृद्धये तथा प्रस्तावितमुक्तव्यापारसहमतेः गतिवर्धनाय प्रयत्नाः कृताः।

उल्लेखनीयम् अस्ति यत् अमेरिकादेशस्य एकं प्रतिनिधिमण्डलं १ जूनतः ४ जून २०२६ पर्यन्तं भारतस्य दौरे नूतनदिल्लीं आगमिष्यति। अस्मिन् समये उभयोः देशयोः मध्ये अन्तरिमव्यापारसम्झौतस्य मसौदः अन्तिमरूपेण निश्चितः भविष्यति तथा व्यापकद्विपक्षीयव्यापारसम्झौतस्य अन्तर्गतं बाजारप्रवेशः, गैर-शुल्कोपायाः तथा सीमाशुल्कसुगमतादयः विषयाः अग्रे चर्चिताः भविष्यन्ति।

---------------

Hindusthan Samachar / Dheeraj Maithani