बेंगलुरुः, 29 मईमासः (हि.स.)। कर्णाटकस्य राजधानी बेङ्गलूरुनगरे शुक्रवासरे आर्ट् ऑफ् लिविङ्ग् फाउण्डेशन् संस्थायाः पञ्चचत्वारिंशत्तमः स्थापना-दिवस-समारोहः भव्ये आध्यात्मिके च वातावरणे आयोजितः। अस्मिन् समारोहेषु भारतस्य उपराष्ट्रपतिः सी. पी. राधाकृष्णन् मुख्य-अतिथिरूपेण सहभागित्वं कृतवान्। अस्य अवसरस्य निमित्तं देश-विदेशेभ्यः आगताः सहस्रशः श्रद्धालवः, स्वयंसेवकाः, आध्यात्मिक-साधकाः तथा अनेकाः गणमान्य-अतिथयः उपस्थिताः आसन्।

समारोहं सम्बोधयन् उपराष्ट्रपतिः उक्तवान् यत् “आन्तरिक-शान्तिः एव बाह्य-सौहार्दस्य वास्तविकः आधारः अस्ति।” तेन उक्तं यत् वर्तमान-काले विश्वं तनावः, संघर्षः, मानसिक-अस्थिरता इत्यादीनां चुनौतीनां सामना करोति। एतादृशे समये आध्यात्मिक-मूल्यानां, मानवीय-संवेदनानां तथा आत्मिक-सन्तुलनस्य महत्त्वं पूर्वापेक्षया अधिकं वर्धितम् अस्ति। तेन उक्तं यत् समाजे स्थायी-शान्तेः भ्रातृत्वस्य च स्थापना तदैव सम्भवा भवति, यदा व्यक्तिः अन्तःकरणतः शान्तः, सन्तुलितः, सकारात्मकः च भवति।

उपराष्ट्रपतिना आर्ट् ऑफ् लिविङ्ग् संस्थायाः प्रशंसा कृता। तेन उक्तं यत् संस्थया भारतीय-संस्कृतेः मूल-मन्त्रः “वसुधैव कुटुम्बकम्” वैश्विक-स्तरे नूतना परिचितिः प्रदत्ता। तेन उक्तं यत् सम्पूर्णं विश्वं एकं कुटुम्बरूपेण पश्यितुं भारतीय-दृष्टिकोणः अद्यतन-वैश्विक-परिस्थितिषु अत्यन्तं प्रासङ्गिकः जातः अस्ति, तथा आर्ट् ऑफ् लिविङ्ग् संस्था एतस्य संदेशस्य प्रभावी-रीत्या विश्वव्यापी-प्रसारणस्य महत्त्वपूर्णं कार्यं करोति।

उपराष्ट्रपतिना उक्तं यत् आधुनिकता तथा भारतीय-प्राचीन-परम्पराः परस्परं विरोधिन्यौ न स्तः, अपितु परस्परं पूरकौ स्तः। आर्ट् ऑफ् लिविङ्ग् संस्था योगः, ध्यानम्, प्राणायामः तथा मानवीय-मूल्यानि माध्यमीकृत्य आधुनिक-जीवन-शैलीं भारतीय-आध्यात्मिक-परम्पराभिः सह सन्तुलयितुं उल्लेखनीयां भूमिकां निर्वहति।

अस्मिन् समारोहेषु कर्णाटकस्य राज्यपालः थावरचन्द-गहलोतः, आध्यात्मिक-गुरुः श्री श्री रविशङ्करः, देश-विदेशयोः अनेकाः विशिष्ट-अतिथयः, संस्थायाः वरिष्ठ-सदस्याः तथा बहुसंख्यकाः स्वयंसेवकाः उपस्थिताः आसन्। कार्यक्रमस्य समये आध्यात्मिकता, विश्व-शान्तिः, मानसिक-स्वास्थ्य-जागरूकता, युवा-जागरूकता तथा समाज-सेवा इत्यादिषु महत्त्वपूर्ण-विषयेषु विस्तृत-चर्चा अभवत्।

वक्तृभिः उक्तं यत् आर्ट् ऑफ् लिविङ्ग् संस्था विश्वस्य अनेक-देशेषु योगः, ध्यानम्, मानसिक-स्वास्थ्य-जागरूकता तथा सामाजिक-सेवा-कार्यक्रमान् माध्यमीकृत्य जनानां जीवने सकारात्मक-परिवर्तनं जनयति। संस्थायाः विविध-अभियानानि तनाव-मुक्त-जीवनम्, सामाजिक-समरसता, मानवता तथा विश्व-शान्तिं प्रोत्साहयितुं महत्त्वपूर्णं योगदानं ददति।

अस्य अवसरस्य निमित्तं उपराष्ट्रपतिः सी. पी. राधाकृष्णन् आर्ट् ऑफ् लिविङ्ग् संस्थायाः पञ्चचत्वारिंशत्तम-स्थापना-दिवसस्य उपलक्ष्ये विशेष-स्मारक-डाक-टिकटस्य विमोचनम् अपि कृतवान्। अस्य ऐतिहासिक-क्षणस्य उपस्थित-जनैः करतल-ध्वनिभिः सह स्वागतं कृतम्।

समारोहस्य समापनं सामूहिक-ध्यानं भजनं तथा विश्व-शान्तेः प्रार्थनया सह अभवत्, यस्मिन् सहस्रशः जनाः सहभागित्वं कृत्वा आध्यात्मिक-ऊर्जायाः एकतायाः च संदेशं प्रसारितवन्तः।-----------

Hindusthan Samachar / Dheeraj Maithani