Enter your Email Address to subscribe to our newsletters
सोनीपत-नगरम्, २९ मे-मासः (हि.स.)। हरियाणाराज्यस्य क्रीडा-राज्यमन्त्री गौरव-गौतम: शुक्रवासरे राई-स्थितं हरियाणा-क्रीडा-विश्वविद्यालयं गत्वा छात्रस्य निशान्त-गौतम: स्विमिङ्ग-पूलमध्ये निमज्जनेन जातस्य मृत्योः प्रकरणे घटनास्थलस्य निरीक्षणं कृतवान् तथा निष्पक्ष-अन्वेषणार्थं पुलिस-आयुक्ताय विशेष-अन्वेषण-दलस्य गठनस्य निर्देशान् दत्तवान्। एतत् दलं त्रिंशद्दिनेषु स्वीयं अन्वेषण-प्रतिवेदनं समर्पयिष्यति।
मन्त्री विश्वविद्यालयं प्राप्य स्विमिङ्ग-पूल-परिसरस्य अवलोकनं कृत्वा अधिकारिभ्यः सम्पूर्णां सूचनां प्राप्तवान्। तेन घटना-समये विद्यमानानां सुरक्षा-व्यवस्थानां प्रतिवेदनम् अपि याचितम्। तेन सह परिजनैः, जनपद-प्रशासनेन, आरक्षक-विभागेन, स्वास्थ्य-विभागेन तथा विश्वविद्यालय-प्रशासनेन सह सभा: आयोजिताः। मन्त्री छात्रैः, प्रशिक्षकैः, कर्मचारीभिः तथा विश्वविद्यालयस्य अन्वेषण-दलेन सह अपि संवादं कृतवान्।
राज्यमन्त्री गौरव-गौतम: उक्तवान् यत् कस्यचित् छात्रस्य असामयिकी मृत्युः अत्यन्तं दुःखदा अस्ति तथा सर्वकारः एतत् प्रकरणं गम्भीरतया पश्यति। सः उक्तवान् यत् कस्यापि प्रकारस्य प्रमादः न सह्यः भविष्यति। अन्वेषणार्थं निर्मितं विशेष-दलं सर्वेषां तथ्य-साक्ष्याणां आधारेण कार्यं करिष्यति। यदि अन्वेषणे कस्यचित् स्तरस्य प्रमादः प्रकाशं प्राप्स्यति तर्हि उत्तरदायिभ्यः विरुद्धं कठोर-कार्यवाही करिष्यते।
सः उक्तवान् यत् दोषी कश्चिदपि भवतु, सः न मोक्षितः भविष्यति। सरकारः पीडित-परिवारस्य सह स्थित्वा तस्मै न्यायं प्रदातुं सर्वान् सम्भवान् उपायान् करिष्यति। अन्वेषणं पूर्णतया पारदर्शि-रीत्या कारयिष्यते।
क्रीडा-राज्यमन्त्री विश्वविद्यालय-प्रशासनाय भविष्ये एतादृश-घटनानां निवारणार्थं सुरक्षा-मानकानां पुनरवलोकनस्य निर्देशान् दत्तवान्। सः उक्तवान् यत् स्विमिङ्ग-पूलसहितासु सर्वासु क्रीडा-सुविधासु सुरक्षा-नियमाः कठोरतया पालनीयाः। विद्यार्थिनां सुरक्षा सर्वकारस्य प्राथमिकता अस्ति। अधिकारिभ्यः परिसरस्य क्रीडा-सुविधानां सुरक्षा-व्यवस्थायाश्च लेखा-परीक्षणं कृत्वा आवश्यक-सुधाराणि कर्तुं निर्देशाः अपि दत्ताः।
सभायां कुलपतिः अशोक-कुमार:, एसडीएम सुभाष-चन्द्र:, एसीपी ऋषिकान्त:, सीएमओ डॉ.अनुराधा-शाह-इत्यनया सह अनेके अधिकारिणः उपस्थिताः आसन्।
Hindusthan Samachar / Divya Ranjan