कोरबा, 29 मईमासः (हि. स.)।

कमलानेहरूमहाविद्यालयस्य प्रतिभाशालिनी छात्रया विनीतापटेल इत्यनया स्वपरिश्रमेण लग्नेन च महती उपलब्धिः प्राप्ता तथा बालकोसंस्थायां स्थानं प्राप्तम्। विनीता इत्यस्याः चयनं वेदान्ताग्रुपस्य प्रतिष्ठितायां बालकोसंस्थायां पोस्टग्रेजुएट्ट्रेनीत्यस्मै पदाय अभवत्।

अस्याः उपलब्धेः अनन्तरं शुक्रवासरे विनीता महाविद्यालयस्य प्राचार्यं डॉ. प्रशान्तबोपापुरकरं मिलित्वा तस्य आशीर्वादं प्राप्तवती। अस्मिन् अवसरः प्राचार्यः डॉ. बोपापुरकरः छात्रायाः सफलतायां प्रसन्नतां व्यक्तयन् उक्तवान् यत् महाविद्यालयः विद्यार्थिभ्यः गुणवत्तायुक्तां शिक्षां सह उत्तमं करियरनिर्माणार्थं निरन्तरं प्रेरणां ददाति। तेन उक्तं यत् प्लेसमेण्टसेलप्रभारी अनिलराठौरः तथा सम्पूर्णं महाविद्यालयपरिवारं विद्यार्थिनां उज्ज्वलभविष्याय निरन्तरं प्रयत्नशीलम् अस्ति।

तेन उक्तं यत् विनीता इत्यस्याः एषा सफलता महाविद्यालयपरिवारस्य कृते गौरवस्य विषयः अस्ति तथा अन्येषां छात्रच्छात्राणां कृते प्रेरणादायकम् उदाहरणम् अपि। महाविद्यालयपरिवारः विनीता इत्यस्यै शुभकामनाः प्रदाय तस्याः उज्ज्वलभविष्यस्य कामनां कृतवान्।

---------------

Hindusthan Samachar / Dheeraj Maithani