देहरादूननगरम्, २९ मे-मासः (हि.स.)। भारतीय-जनता-पक्षस्य (भाजपा) राष्ट्रिय-अध्यक्षः नितिन-नवीनः सङ्घटनात्मक-विस्तारस्य तथा बूथ-स्तरे सुदृढीकरणस्य कृते सांसदेभ्यः विधायकेभ्यश्च सङ्घटन-विस्तारस्य मन्त्रं दत्तवान्। तेन बूथ-स्तरात् आरभ्य बुद्धिजीवि-समुदायपर्यन्तं व्यापक-सम्पर्क-अभियानस्य सञ्चालनाय अपि निर्देशाः प्रदत्ताः।

शुक्रवासरे राजधानी-देहरादूननगरे सम्पन्नायां सभायां भाजपा-राष्ट्रिय-अध्यक्षः नितिन-नवीनः सांसद-विधायकानां अतिरिक्तं प्रदेश-पदाधिकरिभिः, प्रदेश-मोर्चा-अध्यक्षैः एवं महामन्त्रीभिः, जनपद-प्रभारीभिः सह-प्रभारीभिश्च, जनपदाध्यक्षैः, महापौरैः, नगर-निकाय-पालिका-अध्यक्षैः, जनपद-पञ्चायत-अध्यक्षैः उपाध्यक्षैश्च तथा ब्लॉक-प्रमुखैः सह विस्तृतां सभां कृतवान्। सभायां सङ्घटन-विस्तारः, बूथ-सशक्तीकरणम्, जनसम्पर्क-अभियानम् तथा आगामि-विधानसभा-निर्वाचनानां रणनीतिः इत्यादिषु विषयेषु विस्तरेण चर्चा अभवत्। अध्यक्षेन सभायां जनप्रतिनिधिभ्यः निर्देशाः प्रदत्ताः यत् केन्द्र-राज्य-सर्वकारयोः उपलब्धयः ग्रामे ग्रामे प्रापयितुं व्यापक-जनसम्पर्क-अभियानं सञ्चालयितव्यम्। उत्तराखण्डे बूथ-सशक्तीकरणे, विचार-परिवार-विस्तारे तथा दुर्बल-आसन-क्षेत्रेषु विशेष-केन्द्रीकरणस्य रणनीत्याः उपरि बलं दत्तम्।

एषा सभा अग्रिम-२०२७-विधानसभा-निर्वाचनस्य दृष्ट्या भाजपायाः प्रारम्भिक-रणनैतिक-प्रयत्नरूपेण परिगण्यते। सभायां एतदपि निर्धारितं यत् गत-दश-वर्षेषु केन्द्र-राज्य-सर्वकाराभ्यां कृतानि विकास-कार्याणि, योजनाः तथा स्थानीय-जनप्रतिनिधीनां उपलब्धयः पुस्तिका-पत्रिकाभ्यां जनतायै प्रेषयिष्यन्ते। भाजपा एतत् स्वस्य जनसम्पर्क-अभियानस्य प्रमुख-अङ्गरूपेण स्थापयितुं सज्जतां करोति।

सभायां तेषां विधानसभा-क्षेत्राणाम् अपि विस्तरेण समीक्षा कृता, यत्र गत-निर्वाचनेषु भाजपायाः पराजयः अभवत् अथवा विजय-अन्तरं अत्यल्पम् आसीत्। पक्ष-नेतृत्वेन एतेषु क्षेत्रेषु लोकसभा-राज्यसभा-सांसदेभ्यः अतिरिक्त-उत्तरदायित्वं दातुं तथा पूर्णकालिक-कार्यकर्तॄणां नियुक्तेः संकेताः प्रदत्ताः। अध्यक्षेन उक्तं यत् केन्द्र-राज्य-सर्वकारयोः उपलब्धीनां ग्रामे ग्रामे प्रचारः पक्षस्य प्राथमिकता भवेत्। तदर्थं जनप्रतिनिधिभ्यः समाजस्य प्रभावशालि-विशिष्ट-वर्गैः सह नियमित-संवाद-वृद्ध्यै निर्देशाः दत्ताः। प्रत्येकस्मिन् विधानसभा-क्षेत्रे शतं बुद्धिजीविनां, प्रभावशालि-व्यक्तीनां तथा सामाजिक-रूपेण सक्रिय-जनानां सूची निर्माणं कृत्वा तैः सह सम्पर्क-स्थापनाय विशेष-बलं दत्तम्।

तेन प्रधानमन्त्री नरेन्द्र-मोदीनः नेतृत्वे केन्द्र-सर्वकारस्य द्वादश-वर्षीय-कार्यकालस्य तथा राज्य-सर्वकारस्य योजनानां जन-जनपर्यन्तं प्रचारार्थं सांसद-विधायकेभ्यः विशेष-उत्तरदायित्वं समर्पितम्। अस्य अन्तर्गतं प्रत्येकस्मिन् विधानसभा-क्षेत्रे बुद्धिजीविभिः, प्रभावशालि-व्यक्तिभिः तथा सामाजिक-रूपेण सक्रिय-जनैः सह सम्पर्क-वृद्धौ विशेष-बलं दत्तम्।

भाजपा-नेतृत्वेन सङ्घटन-सर्वकारयोः मध्ये उत्तम-समन्वयः निर्वाचन-सफलतायाः महत्त्वपूर्ण-आधारः इति निर्दिश्य बूथ-स्तरपर्यन्तं सङ्घटनं सक्रियं कर्तुं निर्देशाः प्रदत्ताः। येषु बूथेषु बूथ-टोली-गठनस्य सत्यापनं न सम्पन्नम्, तेषु स्थानेषु स्थानीय-विधायकान् मण्डल-सङ्घटनेन सह मिलित्वा सङ्घटनात्मक-संरचनां सुदृढां कर्तुं उक्तम्।

सभायां गत-निर्वाचनेषु दुर्बल-प्रदर्शनयुक्तानां विधानसभा-क्षेत्राणाम् अपि समीक्षा कृता। पक्ष-नेतृत्वेन संकेताः प्रदत्ताः यत् न्यून-अन्तरेण पराजित-आसनेषु लोकसभा-राज्यसभा-सांसदेभ्यः अतिरिक्त-उत्तरदायित्वं दास्यते। एतदतिरिक्तं सङ्घटनस्य पक्षतः पूर्णकालिक-कार्यकर्तॄणां नियुक्तिरपि करिष्यते।

भाजपा-नेतृत्वेन केन्द्र-राज्य-सर्वकारयोः गत-वर्षेषु सम्पन्नानां विकास-कार्याणां योजनानां च पुस्तिका-पत्रिकाभ्यां माध्यमेन ग्रामे ग्रामे प्रचारस्य रणनीत्याः उपरि अपि बलं दत्तम्। पक्षः एतत् अग्रिम-निर्वाचनानां कृते जनसम्पर्क-अभियानस्य महत्त्वपूर्ण-अङ्गरूपेण मन्यते।

Hindusthan Samachar / Divya Ranjan