Enter your Email Address to subscribe to our newsletters
देहरादूननगरम्, २९ मे-मासः (हि. स.)। भारतीय-जनता-पक्षस्य (भाजपा) राष्ट्रियाध्यक्षः नितिन-नवीनः उत्तराखण्ड-प्रदेशे स्वस्य त्रिदिवसीय-प्रवासस्य द्वितीय-दिने शुक्रवासरे विविधासु सङ्घटनात्मिकासु सभासु भागं ग्रहीष्यति। एषः प्रवासः आगामी-विधानसभा-निर्वाचनस्य रणनीति-निर्माणाय तथा च बूथ-स्तरे सङ्घटनस्य सुदृढीकरणाय महत्त्वपूर्णः इति मन्यते।
अद्य प्रातःकाले मुख्यमन्त्रिणः पुष्करसिंह-धामी इत्यस्य शासकीय-निवासे भाजपा-राष्ट्रियाध्यक्षः नितिन-नवीनः तथा च राष्ट्रिय-महामन्त्रिणा (सङ्घटनम्) बी.एल.सन्तोषेन सह मिलितवन्तौ। अस्मिन् अवसरे मुख्यमन्त्रिणा अध्यक्षस्य तथा राष्ट्रिय-महामन्त्रिणः हार्दिकं स्वागतं अभिनन्दनं च कृतम्।
कार्यक्रमानुसारं राष्ट्रियाध्यक्षः पूर्वमुख्यमन्त्रिणः स्वर्गीयस्य भुवनचन्द्र-खण्डूरी इत्यस्य वसन्त-विहारस्थिते निवासे गत्वा तस्य परिजनैः सह साक्षात्कारं करिष्यति तथा च शोक-संवेदनां प्रकटयिष्यति।
ततः देहरादून-नगरस्य राजपुर-मार्गस्थिते वेलकम-होटले सांसदैः विधायकैः च सह सभा आयोजिती भविष्यति। मध्याह्ने प्रदेश-पदाधिकारिणः, मोर्चा-अध्यक्षाः, जनपद-प्रभारिणः, सह-प्रभारिणः तथा जनपद-अध्यक्षैः सह पृथक् पृथक् सत्रेषु सङ्घटनात्मिका चर्चा भविष्यति। ततः मेयर-नगर-निकाय-प्रतिनिधिभिः, जनपद-पञ्चायत-अध्यक्षैः, खण्ड-प्रमुखैः च सह अपि संवाद-कार्यक्रमः निर्धारितः अस्ति।
सायं ४:५० वादने राष्ट्रियाध्यक्षः सञ्चारमाध्यमैः सह वार्तालापं करिष्यति। ततः सः ऋषिकेश-नगरस्थिते परमार्थ-निकेतने गत्वा गङ्गारार्तिक्यां सहभागं करिष्यति तथा च सन्त-समाजेन सह संवाद-कार्यक्रमे भागं ग्रहीष्यति। रात्रौ प्रसाद-ग्रहण-कार्यक्रमः अपि प्रस्तावितः अस्ति।
भाजपा-नेतृत्वं एतं प्रवासं सङ्घटनात्मक-दृष्ट्या अत्यन्तं महत्त्वपूर्णं मन्यते। भाजपा-प्रदेशाध्यक्षः महेन्द्र-भट्टः उक्तवान् यत् राष्ट्रियाध्यक्षः बूथ-प्रबन्धनं, पराजित-बूथ-विशेष-केन्द्रणं तथा च आगामी-विधानसभा-निर्वाचनस्य रणनीतिं प्रति मार्गदर्शनं ददाति।
सः उक्तवान् यत् राष्ट्रियाध्यक्षत्व-प्राप्तेः अनन्तरं एषः तस्य उत्तराखण्ड-प्रदेशस्य प्रथमः विस्तृत-प्रवासः अस्ति, यस्मिन् सङ्गठन-समीक्षासहितानि बहव्य: महत्त्वपूर्णा: सभाः आयोजिताः सन्ति।
अतिरिक्ततया सः अवदत् यत् कार्यक्रमानुसारं राष्ट्रियाध्यक्षः सांसदैः, विधायकैः, जनपद-अध्यक्षैः, मोर्चा-पदाधिकारिभिः तथा स्थानीय-निकाय-प्रतिनिधिभिः सह पृथक् पृथक् सभाः कृत्वा सङ्घटनात्मक-गतिविधीनां समीक्षा करिष्यति। तथा च सः सामाजिक-आध्यात्मिक-कार्यक्रमेषु अपि सहभागं करिष्यति।
Hindusthan Samachar / Divya Ranjan