Enter your Email Address to subscribe to our newsletters
हरिद्वारम्, 29 मईमासः (हि.स.)।
आगामि-कांवड़-मेलां दृष्ट्वा जिलाधिकारी मयूर-दीक्षितः लोक-निर्माण-विभागस्य (लोनिवि) तथा राष्ट्रिय-राजमार्ग-प्राधिकरणस्य अधिकारिणः स्पष्ट-निर्देशान् प्रदत्तवान् यत् तेषां अधीनस्थाः सर्वाः मार्गाः प्राथमिकतया गर्त-मुक्ताः क्रियन्ताम्। तेन उक्तं यत् कांवड़-मेलात् पूर्वं सर्वाणि पेचवर्क् तथा मरम्मत-कार्याणि सर्वथा सम्पन्नानि भवन्तु, येन यात्रिकाणां स्थानीय-जनानां च कस्यापि प्रकारस्य असुविधायाः सामना न भवेत्।
शुक्रवासरे जिला-कार्यालय-सभागारे आयोजितायाः मार्ग-सुरक्षा तथा दुर्घटना-न्यूनीकरण-अनुश्रवण-समितेः सभायाः अध्यक्षतां कुर्वन् जिलाधिकारी मार्ग-सुरक्षा-नियमानां कठोरतया पालनस्य आवश्यकता विषये विशेषं बलं दत्तवान्। तेन उक्तं यत् मार्ग-दुर्घटनानां नियन्त्रणार्थं तीव्र-वेगेन वाहन-चालनम्, मद्यपानं कृत्वा वाहन-चालनम्, अति-भार-वहनम् तथा शिरस्त्राण-विना वाहन-चालनं कुर्वतां विरुद्धं कठोर-कानूनी-कार्यवाही सुनिश्चितीक्रियताम्।
जिलाधिकाऱिणा राष्ट्रीय-राजमार्ग-रुड़की, हरिद्वार तथा नजीबाबाद-सम्बद्ध-अधिकारिभिः सह लोक-निर्माण-विभागस्य अधिकारिणः अपि उक्ताः यत् येषु मार्गेषु गर्ताः उत्पन्नाः सन्ति तथा पेचवर्क्-आवश्यकता वर्तते, तत्र युद्ध-स्तरे कार्यं क्रियताम्। तेन एनएचआई तथा लोक-निर्माण-विभागस्य अधिकारिणः निर्देशिताः यत् तेषां अधीनस्थेषु मार्गेषु कस्यापि प्रकारस्य अतिक्रमणं न भवेत्।
सहायक-सम्भागीय-परिवहन-अधिकारी रुड़की कृष्ण-चन्द्र-पलारिया इत्यनेन सूचितं यत् परिवहन-विभागेन जनवरी-तः अप्रैल् २०२६ पर्यन्तं शिरस्त्राण-विना वाहन-चालनं कुर्वतां ३६६७ जनानां चालानानि कृतानि। अस्य अतिरिक्तं अति-भार-वहनस्य ३०१, अति-वेगस्य २०१२, वाहन-चालन-समये दूरभाष-यन्त्रस्य प्रयोगं कुर्वतां ९९, सीट्-बेल्ट्-प्रयोगं न कुर्वतां ३५२ तथा मालवाहक-वाहनेषु यात्रिकान् उपवेशयतां ८७ वाहन-चालकानां विरुद्धं कार्यवाही कृता।
पुलिस-विभागेन अपि शिरस्त्राण-विना वाहन-चालनं कुर्वतां ८४२९, मत्त-अवस्थायां वाहन-चालनं कुर्वतां ३६७, अति-वेगेन वाहन-चालनं कुर्वतां ४६६६, अति-भार-वहनं कुर्वतां ३०४, सीट्-बेल्ट्-प्रयोगं न कुर्वतां २७०, वाहन-चालन-समये दूरभाष-यन्त्र-प्रयोगं कुर्वतां ६१२, मालवाहक-वाहनेषु यात्रिकान् उपवेशयतां १६४ तथा रक्त-संकेत-दीपम् उल्लङ्घयतां १८९ वाहन-चालकानां चालानानि कृतानि।
सभायां एस्. पी. ट्रैफिक् निशा-यादवः, अधीक्षण-अभियन्ता लोक-निर्माण-विभागस्य डी. के. सिंहः, अधिशासी-अभियन्ता यूपीसीएल विपुल-सैनी, सहायक-सम्भागीय-परिवहन-अधिकारी नेहा-झा, निखिल-शर्मा तथा प्रशासनिक-अधिकारी जितेन्द्र-चन्दः सहिताः विभिन्न-विभागानां अधिकारिणः कर्मचारिणः च उपस्थिताः आसन्।
Hindusthan Samachar / Dheeraj Maithani