Enter your Email Address to subscribe to our newsletters
नवदिल्ली, 03 मईमासः (हि.स.)।
केन्द्रीय-इलेक्ट्रॉनिक्स-तथा-सूचना-प्रौद्योगिकी-मन्त्रालयेन आधार-कार्डपत्रस्य स्वरूपे परिवर्तनसम्बद्धाः समाचाराः निराकृताः, तथा उक्तं यत् तादृशः कश्चन प्रस्तावः नास्ति।
मन्त्रालयस्य अनुसारं अद्यतनकाले केचन समाचार-माध्यमेषु सामाजिक-माध्यम-मञ्चेषु च एतादृशाः समाचाराः प्रसारिताः, येषु उक्तं यत् वर्षस्य अन्तपर्यन्तं आधार-कार्डं केवलं छायाचित्रं क्यूआर-कोडं च एव सीमितं भविष्यति। मन्त्रालयेन एते दावाः सर्वथा असत्याः इति घोषिताः।
मन्त्रालयेन उक्तं यत् एतादृशस्य कस्यापि परिवर्तनस्य योजना नास्ति, तथा अस्मिन् विषये प्रसार्यमाणाः समाचाराः भ्रामकाः सन्ति, ये जनानां मध्ये अनावश्यकं भ्रमं जनयन्ति।
मन्त्रालयेन सामान्य-जनान् प्रति अपीलः कृतः यत् ते एतादृशेषु अप्रमाणित-समाचारेषु सामाजिक-माध्यम-प्रेषणेषु च विश्वासं न कुर्वन्तु, किन्तु केवलं भारतीय-विशिष्ट-परिचय-प्राधिकरणस्य तथा पीआईबी इत्यस्य आधिकारिक-सूचनासु एव विश्वासं कुर्वन्तु।
मन्त्रालयेन माध्यम-संस्थाभ्यः अपि निवेदनं कृतं यत् ते एतादृशान् भ्रामक-समाचारान् न प्रसारयन्तु, अपितु केवलं प्रमाणिक-सूचनाः एव सहकुर्वन्तु।
---------------
हिन्दुस्थान समाचार