भोपाल-नगरम्, ०३ मईमासः (हि.स.)। अद्य रविवासरे विश्व-प्रेस-स्वतन्त्रता-दिवसः अस्ति। मध्यप्रदेश-राज्यस्य मुख्यमन्त्री डॉ.मोहन-यादवः विश्व-प्रेस-स्वतन्त्रता-दिवसस्य अवसरे मीडिया-जगतः सर्वेषां सदस्येभ्यः शुभकामनाः अदात्। तेन लोकतन्त्रे स्वातन्त्र्यम्, निष्पक्षता तथा उत्तरदायित्वयुक्ता पत्रकारिता समाजस्य प्रगत्यै एकतायै च अनिवार्या इति उक्तम्।

मुख्यमन्त्री डॉ.यादवः सामाजिक-माध्यमे ‘एक्स’ इत्यत्र स्वस्य शुभकामना-सन्देशे अवदत्— “विश्व-प्रेस-स्वतन्त्रता-दिवसस्य हार्दिकाः शुभकामनाः। प्रेस-स्वातन्त्र्येण लोकतन्त्रस्य, सामाजिक-एकतायाः तथा प्रगतेः प्रयासाः गतिं दिशां च लभन्ते। पत्रकार-बान्धवः कर्तव्य-पथे निरन्तरं गच्छन्तु, राष्ट्र-सेवायां सततं सहभागी भवन्तु, इति मम मंगलकामनाः।”

उल्लेखनीयम् अस्ति यत् प्रतिवर्षं ३ मई-दिने आचर्यमाणः अयं विश्व-प्रेस-स्वतन्त्रता-दिवसः विश्वे सर्वत्र स्वातन्त्र्यपूर्णां निष्पक्षां च पत्रकारितां समर्थयितुं तथा पत्रकाराणां अग्रिम-समस्याषु जागरूकतां प्रसारयितुं समर्पितः अस्ति। अयं दिवसः १९९३ तमे वर्षे संयुक्त-राष्ट्र-महासभया घोषितः, यत् अभिव्यक्तेः स्वातन्त्र्यं प्रोत्साहयितुं शक्यते।

हिन्दुस्थान समाचार / अंशु गुप्ता