Enter your Email Address to subscribe to our newsletters
नवदिल्ली, 03 मईमासः (हि.स.)। द्विपक्षीय-सैन्याभ्यासस्य ‘सिनबैक्स’ नाम्नः कृते भारतीय-सेनायाः दलं कंबोडिया देशं प्रति प्रस्थितम्। अयं अभ्यासः ०४ मे दिनाङ्कात् १७ मे दिनाङ्कपर्यन्तं कंम्पोंग स्पेयू प्रांत स्थिते टेको-सेन-फ्नोम्-थोम्-म्रीस्-प्रोव्-रॉयल-कंबोडियन-वायुसेना-प्रशिक्षण-केंद्रे (कैंप-बेसिल) भविष्यति। भारतस्य रक्षा-सहकार्यस्य अन्तर्गतं कंबोडिया-सह एषः द्विपक्षीय-अभ्यासः ‘सिनबैक्स-द्वितीय’ वैश्विक-सुरक्षा-चुनौतिनां परिवर्तमान-परिदृश्ये महत्त्वपूर्णः अस्ति।
रक्षा-मन्त्रालयस्य अनुसारं अयं अभ्यासः संयुक्त राष्ट्र अधिदेशस्य अध्याय-सप्तमस्य रूपरेखायाम् अन्तर्गतः भविष्यति, यस्मिन् उप-पारंपरिक-परिवेशे अभियानेषु संचालनस्य संयुक्त-प्रशिक्षण-प्रदर्शनं क्रियते। भारतीय-सेनायाः दले १२० सैनिकाः सन्ति, येषु अधिकांशः मराठा लाइट इन्फैंट्री रेजिमेंट इत्यस्य एकस्मात् बटालियनतः आगताः सन्ति। कंबोडियादेशस्य दलं १६० सैनिकैः युक्तम् अस्ति, ये रॉयल कंबोडियन आर्मी इत्यस्मात् सन्ति। अयं संयुक्त-अभ्यासः तेषां आतंकवाद-निरोधक-अभियानानां वर्तमान-कार्यपद्धतेः अनुरूपः भविष्यति, यान् संयुक्त राष्ट्र शांति स्थापना अभियान समये शान्ति-रक्षक-बलानि अनुभवयन्ति।
अस्य द्विपक्षीय-सैन्याभ्यासस्य उद्देश्यसिद्धिः विभिन्नैः व्यावहारिक-चर्चाभिः तथा सामरिक-अभ्यासैः साध्यते। अभ्यासे ड्रोन-सञ्चालनम्, मोर्टार-प्रयोगः, स्नाइपर-रणनीतयः इत्यादयः विशेष-कौशल-प्रशिक्षणाः अपि समाविष्टाः सन्ति। अस्य मुख्यः उद्देशः उभयोः देशयोः दलयोः मध्ये अन्तर-संचालन-क्षमता, समन्वयः तथा संचालन-तालमेलस्य सुदृढीकरणम् अस्ति। अयं अभ्यासः न केवलं वैश्विक-शान्तेः संरक्षणे उभयोः देशयोः क्षमतां प्रदर्शयति, अपि तु अर्ध-नगरीय-परिदृश्ये शत्रुबलानां विरुद्धं विविध-अभियानेषु प्राप्तानां अनुभव-आदान-प्रदानं तथा उत्तम-पद्धतीनां सहकारी-करणम् अपि प्रोत्साहयति।--------------------
हिन्दुस्थान समाचार