Enter your Email Address to subscribe to our newsletters
वाराणसी, 03 मईमासः (हि.स.)।
महात्मा-गान्धी-काशी-विद्यापीठस्य गान्धी-अध्ययन-पीठ-सभागारे विश्व-संवाद-केन्द्र-वाराणसी-द्वारा आयोजिते देवर्षि-नारद-जयन्ती-संगोष्ठी तथा पत्रकार-सम्मान-समारोहे माध्यमस्य परिवर्तमाना दिशा, तस्य विश्वसनीयता, समाजं प्रति दायित्वं च इत्यादिषु महत्त्वपूर्णेषु विषयेषु काश्यां गम्भीरं मन्थनं जातम्। “पञ्च-परिवर्तनम् समाजः तथा माध्यमम्” इत्यस्य विषये जितेन्द्र-तिवारी हिन्दुस्थान-समाचार-न्यूज-एजेन्स्याः सम्पादकः पत्रकारितायाः मूलस्वरूपं वर्तमान-चुनौतयः च विषये स्पष्टतया अभिव्यक्तवान्, तथा अद्यतनकाले माध्यमे समाजस्य विश्वासस्य संरक्षणं महतीं चुनौतीम् इति उक्तवान्।
जितेन्द्र-तिवारी अवदत् यत् पत्रकारितायाः आरम्भः मिशनरूपेण अभवत्, यस्य उद्देश्यः समाजस्य स्वरं सत्तां प्रति प्रापयितुं जनभावनानां अभिव्यक्तिं दातुं च आसीत्। भारतीय-स्वतन्त्रता-आन्दोलन-समये पत्रपत्रिकाः जनजागरणस्य प्रभावी माध्यमरूपेण देशस्य एकीकरणे महत्त्वपूर्णां भूमिकां निर्वहन्ति स्म। सः उदाहरणरूपेण उक्तवान् यत् वन्दे-मातरम् इव गीतानि केवलं रचनाः न आसन्, किन्तु तानि जनानां अन्तः राष्ट्रभावं जागरूक्य स्वातन्त्र्य-संघर्षाय नूतनां शक्तिं दत्तवन्ति।
तिवारी स्पष्टं कृतवान् यत् माध्यमं लोकतन्त्रस्य चतुर्थः स्तम्भः संविधानेन न, अपितु समाजेन एव स्थापितः अस्ति। न्यायपालिका, विधायिका, कार्यपालिका इव माध्यमस्य कश्चन औपचारिकः संरचनात्मकः विन्यासः नास्ति, तथापि समाजेन तस्मै एतेषां निरीक्षणस्य तथा जनस्वरस्य प्रसारणस्य दायित्वं दत्तम्। सः अवदत् यत् पत्रकारितायाः वास्तविकं बलं समाजस्य विश्वासः एव अस्ति, एषा एव तस्याः महती सम्पत्तिः अपि अस्ति।
सः चिन्तां व्यक्तवान् यत् कालक्रमेण पत्रकारिता मिशनात् कमीशन-प्रधानतां प्रति गच्छन्ती दृश्यते। यदा माध्यमं सत्तासमीकरणेषु उलझति वा केवलं विरोधाय नकारात्मकतां अन्वेषयति, तदा तस्य विश्वसनीयता प्रभाविता भवति। अद्यतनकाले स्वस्य वार्तासु समाजस्य विश्वासं स्थापयितुं महतीपरिस्थितिरस्ति। सः बलपूर्वकं अवदत् यत् समाजहिताय सकारात्मक-रचनात्मक- पत्रकारितायाः प्रोत्साहनम् अत्यावश्यकम्, येन जनानां समक्षं सद्कर्मणां सकारात्मक-परिवर्तनानां च चित्रं प्रस्तूयेत।
तिवारी-महोदयः राष्ट्रिय-स्वयंसेवक-संघस्य “पञ्च-परिवर्तनम्” इत्यस्य अवधारणां पत्रकारितायै नूतनां दिशम् इति वर्णयन् अवदत् यत् सामाजिक-समरसता, पर्यावरण- संरक्षणम्, स्वदेशी, नागरिक-कर्तव्यादयः विषयाः माध्यमस्य सक्रिय- सकारात्मक- भूमिकायाः अपेक्षां कुर्वन्ति। सः अवदत् यत् लघवः प्रयासाः अपि यथा पर्यावरण- संरक्षणम् वा सामाजिक-कुरीतिनां विरोधः समाजे महान् परिवर्तनं जनयितुं शक्नुवन्ति।
---------------
हिन्दुस्थान समाचार