नवदिल्लीनगरम्, ०३ मईमासः (हि.स.)। आम-जन-पक्षं त्यक्त्वा भारतीय-जनता-पक्षे सम्मिलितः राज्यसभा-सांसदः संदीप-पाठकः रविवासरे उक्तवान् यत् पंजाब-राज्ये सत्ता-दुरुपयोगेन तस्य विरुद्धं प्राथमिकी-प्रकरणं (एफ.आई.आर.) दत्तम् अस्ति, तथा च आधिकारिक-तथा-अन्य-सूचनामार्गेभ्यः सूचना प्राप्ते सति सः समुचितं उत्तरं दातुं शक्नोति।

सांसदः संदीप-पाठकः अद्य स्वगृहात् बहिः पत्रकारैः सह वार्तालापं कुर्वन् पंजाब-राज्ये तस्य विरुद्धं पञ्जीकृतयोः द्वयोः प्राथमिकी-प्रकरणयोः विषये उक्तवान्। ह्यः पंजाब-आरक्षकविभाग: तं ग्रहीतुं तस्य निवासस्थलं प्राप्त: आसीत्, ततः सः गृहं त्यक्त्वा अन्यत्र गतः। अद्य सः स्वगृहे दिल्ली-आरक्षक-उपस्थितौ स्ववक्तव्यं प्रस्तुतवान्।

पाठकः पत्रकारैः सह वार्तायां उक्तवान् यत् ह्यः आरभ्य समाचार-चैनल तस्य विरुद्धं पंजाब-राज्ये द्वयोः प्राथमिकी-प्रकरणयोः समाचारं प्रसारयन्ति, किन्तु अद्यापि तस्य समीपे औपचारिक-अनौपचारिक-उभय-रूपेण कापि सूचना न प्राप्ता अस्ति। सम्भवतः सत्ता-दुरुपयोगेन तस्य विरुद्धं प्राथमिकी दत्ता स्यात् इति सः अवदत्। सूचना प्राप्ते सति सः अस्मिन् विषये स्पष्टं उत्तरं दातुं शक्नोति।

सः पुनश्च स्वस्य स्वच्छ-राजनैतिक-जीवनस्य उल्लेखं कृत्वा उक्तवान् यत् आम-जन-पक्षे सः नीति-धर्मानुसारं कार्यं कुर्वन् आसीत्, अधुना च भारतीय-जनता-पक्षे अपि तथैव कार्यं करिष्यति। तस्य कृते राजनीतौ सफलता-असफलता न, अपि तु राजनीतिक-धर्मः एव अधिकं महत्त्वपूर्णः अस्ति। सः उक्तवान् यत् आम-जन-पक्षः सः व्यक्तिगत-कारणैः न, अपि तु सैद्धान्तिक-तथा-कार्यशैली-कारणैः त्यक्तवान्।

हिन्दुस्थान समाचार / अंशु गुप्ता