मुम्बईनगरम्, ३० मे-मासः (हि.स.)। अभिनेता सलमान-खानस्य चर्चित-कृष्णमृग-शिकार-प्रकरणम् आधारीकृत्य निर्मितस्य ‘काला हिरण’ इति चलचित्रस्य प्रथम-विज्ञापनं प्रकाशितम् अस्ति। न्यायालय-नाट्यस्य (कोर्टरूम-ड्रामा) अपराध-रोमाञ्चस्य (क्राइम-थ्रिलर) च तत्त्वैः युक्ता एषा चलचित्रकथा १९९८ तमे वर्षे जोधपुर-नगरे ‘हम साथ-साथ हैं’ इति चलचित्रस्य चित्रग्रहण-समये जातस्य कथित-कृष्णमृग-शिकार-प्रकरणस्य ततः परं जातानां वैधानिक-सामाजिक-घटनानां च चित्रणं करिष्यति। पोस्टरस्य प्रकाशनानन्तरं दर्शकेषु चलचित्रस्य विषये उत्सुकता वर्धिता अस्ति।

चलचित्रस्य निर्माता अमित-जानी इत्यस्य अनुसारं कथायां सलमान-खानस्य ग्रहणम्, जोधपुर-कारागारे व्यतीतितः कालः, न्यायालये प्रवृत्तः वादः तथा च प्रकरणेन सम्बद्धाः विविध-विवादाः प्रदर्शिताः भविष्यन्ति। तदतिरिक्तं चलचित्रे गैङ्ग्स्टर-लॉरेन्स-बिश्नोई तथा सलमान-खानयोः मध्ये बहुवर्षेभ्यः प्रवर्तमानः विवादः, बिश्नोई-समाजस्य भावनाश्च प्रमुखतया निरूपिताः सन्ति। ज्ञायते यत् अस्य चलचित्रस्य चित्रग्रहणम् उत्तरप्रदेशस्य अनेकेषु नगरेषु कृतम् अस्ति तथा च वास्तविक-घटनाभ्यः प्रेरित-चलच्चित्र-प्रस्तुतिरूपेण तत् निर्मितम् अस्ति। निर्मातृभिः घोषणा कृता यत् चलचित्रस्य टीजर २० जून-दिनाङ्के प्रदर्शितः भविष्यति।

उल्लेखनीयम् अस्ति यत् कृष्णमृग-शिकार-प्रकरणं दीर्घकालात् चर्चायाः विषयः वर्तते तथा च तस्मिन् विषये बहवः वैधानिक-संघर्षाः अपि अभवन्। ‘काला हिरण’ इति चलचित्रम् एतस्य सम्पूर्णस्य घटनाक्रमस्य नाटकीयं चलच्चित्रात्मकं च प्रस्तुतीकरणं दर्शकेभ्यः प्रदातुम् उद्यतम् अस्ति। विज्ञापन-प्रकाशनानन्तरम् अधुना दर्शकाणां दृष्टिः अस्य टीजर-इत्यस्य तथा अग्रिम-प्रचार-अभियानस्य उपरि केन्द्रिता अस्ति।

Hindusthan Samachar / Divya Ranjan