रांचीनगरम्, ३० मे-मासः (हि.स.)। झारखण्डप्रदेशस्य स्वास्थ्य-मन्त्री डॉ.इरफान-अंसारी इत्यनेन भारतीय-युवा-क्रिकेट-क्रीडकस्य वैभव-सूर्यवंशिनः सम्माननस्य झारखण्ड-स्वास्थ्य-विभागस्य ब्राण्ड-राजदूतत्वेन नियुक्तेः च घोषणा कृता।

अंसारी-महोदयस्य पक्षतः शनिवासरे प्रेस-विज्ञप्तिः प्रकाशिताभवत्, यस्यां डॉ.अंसारी उक्तवान् यत् स्वास्थ्य-विभागः वैभव-सूर्यवंशिना सह यूनां मध्ये स्वास्थ्य-स्वास्थ्य-व्यायाम-अनुशासन- सकारात्मक-जीवनशैली-विषये जागरूकतां प्रसारयिष्यति। तेन विश्वासः व्यक्तीकृतः यत् वैभवः भविष्ये भारतीय-क्रिकेट-क्रीडायाः सह स्वास्थ्य-विभागस्य उपलब्धीनामपि नूतन-उच्चतां प्रति नेतुं सफलः भविष्यति तथा देशः तस्मिन् दीर्घकालपर्यन्तं गर्वं अनुभविष्यति।

मन्त्रिणा उक्तं यत् अल्पवयसि एव स्वस्य विस्फोटक-बल्लप्रहार-कौशलेन असाधारण-प्रतिभया च वैभवः सम्पूर्णदेशं प्रभावितवान्। अधुना स्वास्थ्य-विभागस्य ब्राण्ड-अम्बेसडरत्वं राज्यवासिनां कृते अत्यन्तं गौरवस्य विषयः भविष्यति।

डॉ.अंसारी इत्यनेन उक्तं यत् यद्यपि तस्य दलं स्पर्धायां विजयं प्राप्तुं न अशकत्, तथापि वैभवः कोटिशः भारतीयानां हृदयानि जितवान्।

Hindusthan Samachar / Divya Ranjan