Enter your Email Address to subscribe to our newsletters
रांची, 30 मईमासः(हि.स.)।
राँची विश्वविद्यालयस्य हेल्थ एण्ड वेलनेसकेंद्रस्य स्कूल ऑफ योगस्य च संयुक्ततत्वावधानस्य अन्तर्गते आयोजिते २१ दिवसीये योगशिविरे शनिवासरे सम्पन्नः।
पञ्चम मे २०२६ तः त्रिंशत् मे २०२६ पर्यन्तं सञ्चालितस्य अस्य शिविरस्य समापनसमारोहे मुख्यातिथिरूपेण छात्रकल्याणसंकायाध्यक्षः डॉ सुदेश साहू उक्तवान् यत् योगः केवलं शारीरिकस्वास्थ्यपर्यन्तं सीमितः नास्ति, अपितु मानसिकस्य, बौद्धिकस्य आध्यात्मिकविकासस्य अपि प्रभावी माध्यमम् अस्ति। तेन प्रतिभागिनः नियमितरूपेण योगं स्वीकर्तुं प्रेरिताः तथा विश्वविद्यालयस्य अस्य प्रयत्नस्य प्रशंसा अपि कृता।
कार्यक्रमस्य आरम्भः स्कूल ऑफ योगविभागीयनिदेशकस्य डॉ आशीष कुमार झा इत्यसय स्वागतभाषणेन अभवत्। तेन शिविरस्य अनुभवान् सहकृत्य प्रतिभागिभ्यः योगं जीवनशैल्याः अङ्गं कर्तुं सन्देशः दत्तः। विश्वविद्यालयस्य कुलपतिः प्रो डॉ सरोज शर्मा तथा हेल्थ एण्ड वेलनेसकेंद्रस्य निदेशकः डॉ परवेज हसन आभाषिकमाध्यमेन शुभकामनाः प्रेषितवन्तौ तथा भविष्ये अपि एतादृशानां आयोजनानां निरन्तरतायै बलं दत्तवन्तौ।
समन्वयकैः उक्तं यत् शिविरस्य अवधौ प्रतिभागिभ्यः योगासन, प्राणायाम, ध्यान तथा स्वस्थजीवनशैलीसम्बद्धं प्रशिक्षणं प्रदत्तम्, येन तेषां स्वास्थ्ये, एकाग्रतायाम् तथा आत्मविश्वासे सकारात्मकपरिवर्तनानि दृष्टानि। समारोहे प्रशिक्षकानां तथा प्रतिभागिनां उत्कृष्टयोगदानाय प्रशस्तिपत्रैः सम्मानः कृतः।
कार्यक्रमे विश्वविद्यालयस्य शिक्षकाः, कर्मचारिणः, विद्यार्थीजनाः, चिकित्सकाः तथा बहुसंख्यकाः स्थानीयजनाः उपस्थिताः आसन्।
---------------
Hindusthan Samachar / Dheeraj Maithani