Enter your Email Address to subscribe to our newsletters
भोपालनगरम्, ३० मे-मासः (हि.स.)। मध्यप्रदेशस्य राजधान्यां भोपाल-नगरे स्थितः सन्त-शिरोमणि-रविदास-वैश्विक-कौशल-उद्यानम् (एसएसआरजीएसपी) कौशल-विकासस्य तस्याः नूतनायाः कार्यसंस्कृतेः सशक्तम् उदाहरणं जातम् अस्ति, यत्र प्रशिक्षणं केवलं पाठ्यक्रमपर्यन्तं सीमितं नास्ति, अपितु यूनः वैश्विक-उद्योगानां आवश्यकतानुरूपं सज्जीकर्तुं निरन्तरं प्रयत्नः क्रियते। प्रदेशे विकसितं कौशल-तन्त्रम् अधुना यूनः अन्ताराष्ट्रिय-रोजगारावसरेभ्यः अपि संयोजयति।
जनसम्पर्क-अधिकारिणी बबीता-मिश्रा शनिवासरे अवदत् यत् प्रदेशस्य मुख्यमन्त्रिणा डॉ.मोहन-यादवेन कौशल-विकासः औद्योगिक-विकासेन, निवेशेन, रोजगारेन च सम्बद्धः कृतः अस्ति, तथा च यूनां कृते नूतनावसराः निर्मीयन्ते। अस्मिनेव दिशि कौशल-विकास-रोजगार-राज्यमन्त्रिणः गौतम-टेटवालस्य मार्गदर्शनेन प्रदेशे कौशलाधारित-प्रशिक्षण-व्यवस्थाः अधिकाः उद्योगोन्मुख्या: रोजगारपरकाः च निर्मिताः सन्ति, यस्य सकारात्मकाः परिणामाः अधुना दृश्यन्ते। अस्य क्रमस्य अन्तर्गतं संस्थायाः नवम-प्रशिक्षण-समूहस्य (बैच-९) त्रयः विद्यार्थिनः हङ्गरी-देशे रोजगारार्थं चयनिताः सन्ति। चयनिताः विद्यार्थिनः हङ्गरी-देशं प्राप्य स्वव्यावसायिक-दायित्वानां निर्वहणम् आरब्धवन्तः। एषा उपलब्धिः प्रदेशे विकसितस्य आधुनिक-कौशल-प्रशिक्षण-प्रारूपस्य उद्योगोन्मुख-शिक्षा-व्यवस्थायाश्च सफलतां प्रकाशयति।
सा अवदत् यत् हङ्गरी-देशे रोजगारं प्राप्तवत्सु विद्यार्थिषु लकी-साहू नामकः उन्नत-यान्त्रिक-प्रौद्योगिकी-पाठ्यक्रमस्य छात्रः, तथा रौशन-कुमारः एवं मयङ्क-जाङ्गिडः उन्नत-यान्त्रिक-वैद्युत-सेवा-पाठ्यक्रमस्य छात्रौ सन्ति। सिवनी, चम्पारण तथा दौसा-क्षेत्रेभ्यः आगताः एते विद्यार्थिनः एतत् सिद्धं कृतवन्तः यत् गुणवत्तायुक्त-प्रशिक्षणेन उपयुक्त-अवसरेण च यूनः वैश्विक-स्तरे स्वविशिष्टं परिचयं निर्मातुं शक्नुवन्ति।
एसएसआरजीएसपी-संस्थायां विद्यार्थिनः अत्याधुनिक-यन्त्रैः, अनुकरण-आधारित-प्रशिक्षणेन, व्यावहारिक-अभ्यासैः तथा उद्योगानां वास्तविक-आवश्यकतानुसारं निर्मितैः पाठ्यक्रमैः प्रशिक्ष्यन्ते। प्रशिक्षण-प्रक्रियायां तकनीकी-दक्षतया सह कार्यस्थल-अनुशासनस्य, व्यावसायिक-व्यवहारस्य, सुरक्षा-मानकानां तथा अन्तरराष्ट्रीय-कार्यसंस्कृतेः अवबोधनस्य अपि विशेषः बलः दीयते। एतदेव कारणं यत् अस्य संस्थायाः प्रशिक्षिताः यूनः राष्ट्रिय-अन्ताराष्ट्रिय-निर्माणीनां अपेक्षासु सफलाः भवन्ति।
प्रदेशस्य कौशल-विकास-रोजगार-राज्यमन्त्री गौतम-टेटवालः चयनित-विद्यार्थिभ्यः शुभकामनाः प्रदाय उक्तवान् यत् हङ्गरी-देशे विद्यार्थिनां चयनं प्रदेशस्य कौशल-विकास-प्रतिमानस्य गुणवत्तां प्रभावशीलतां च प्रदर्शयति। सः अवदत् यत् प्रदेश-सर्वकारः यूनः केवलं प्रशिक्षणेन न, अपितु रोजगारेन अपि संयोजयितुं कार्यं करोति। आधुनिक-कौशलैः, व्यावहारिक-प्रशिक्षणेन तथा उद्योगानां याचनानुसारं सज्जीकृतैः मानव-संसाधनैः एव विकसित-मध्यप्रदेशस्य आधारशिला निर्मास्यते।
एतेषां विद्यार्थिनां सफलता तस्य व्यापक-परिवर्तनस्य सूचिका अस्ति, यस्मिन् मध्यप्रदेशस्य यूनः अधुना स्थानीय-सीमाः अतिक्रम्य वैश्विक-स्तरे स्वोपस्थितिं पञ्जीकुर्वन्ति। आगामिषु कालेषु एसएसआरजीएसपी प्रदेशस्य अधिकाधिकान् यूनः अन्तरराष्ट्रीय-रोजगारावसरेभ्यः संयोजयित्वा कौशल-विकास-क्षेत्रे नूतनाः उपलब्धयः स्थापयिष्यति।
जनसम्पर्क-अधिकारिणी अवदत् यत् हङ्गरी-देशे एतेषां त्रयाणां विद्यार्थिनां चयनं वैश्विक-स्तरे प्रतिष्ठिते एसआरएफ लिमिटेड् औद्योगिक-समूहे अभवत्। एषा संस्था विशेष-रसायन-निर्माणे, फ्लोरोकेमिकल्स, पैकेजिङ्ग-फिल्म्स तथा तकनीकी-वस्त्र-उद्योगेषु कार्यरतासु भारतस्य अग्रणी-निर्माण-निर्मणीषु अन्यतमा अस्ति। अस्याः उत्पादन-एककानि भारतस्य अतिरिक्तं यूरोप-स्थिते हङ्गरी-देशे अपि सञ्चालितानि सन्ति। निर्माणी उन्नत-प्रौद्योगिक्याः, वैश्विक-गुणवत्ता-मानकानां तथा नवाचार-आधारित-कार्यसंस्कृतेः कृते प्रसिद्धा अस्ति।
एतादृश्यां प्रतिष्ठितायाम् अन्ताराष्ट्रिय-निर्माण्याम् रोजगार-प्राप्तिः विद्यार्थिनां कौशलस्य, प्रशिक्षणस्य, व्यावसायिक-दक्षतायाश्च प्रमाणम् अस्ति। एतत् अपि दर्शयति यत् एसएसआरजीएसपी-संस्थायाः प्रशिक्षिताः यूनः वैश्विक-उद्योगानां आवश्यकतानुरूपं स्वयम् सफलतया प्रतिष्ठापयन्ति।
हिन्दुस्थान समाचार / Divya Ranjan