नवदेहली, ३० मे-मासः (हि.स.)। म्यांमारदेशस्य राष्ट्रपतिः यू-मिन-आंग-ह्लाइंगः ३० मे-मासतः ३ जूनमासपर्यन्तं भारतस्य यात्रायै अद्य बिहारप्रदेशस्य बोधगयां प्राप्नोति। सः १ जून-मासे नवदेहल्यां प्रधानमन्त्रिणा मोदी-महोदयेन सह द्विपक्षीयवार्तां करिष्यति। उभौ नेतारौ भारत-म्यांमारदेशयोः ऐतिहासिक-सांस्कृतिकसम्बन्धान् अधिकं सुदृढान् कर्तुं चर्चां करिष्यतः। निर्वाचन-विवादास्पदविजयानन्तरम् एप्रिल-मासे राष्ट्रपति-पदं प्राप्तवतः यू-मिन-आंग-इत्यस्य एषा प्रथमा विदेशयात्रा अस्ति।

म्यांमारदेशस्य राष्ट्रपतिः अद्य बोधगयां आगच्छति। सः प्रातःकाले बिहारप्रदेशस्य गयाजी-विमानस्थानकं प्राप्स्यति, ततः कठोरसुरक्षायां तं विश्रामगृहं नेष्यन्ति। सः प्रायः एकादशवादने महाबोधिमन्दिरं गमिष्यति, यत्र शिष्टमण्डलेन सह पूजां परिभ्रमणं च करिष्यति। महाबोधिमन्दिरस्य अतिरिक्तं सः बर्मीज-विहारं, महाबोधि-धम्म-एकता-मोनास्ट्री, सुजातामन्दिरं मतंगवापीं च गमिष्यति।

म्यांमारदेशस्य राष्ट्रपतिः १ जूनमासे आयोज्यमाने इंटरनेशनल-बिग-कैट-अलायंस (आईबीसीए) शिखरसम्मेलने सहभागं कर्तुं नियुक्तः आसीत्, किन्तु आफ्रिकामहाद्वीपस्य केषुचित् देशेषु इबोला-विषाणोः प्रकोपकारणात् चतुर्थः भारत-अफ्रीका फोरम शिखरसम्मेलनं स्थगितम्। आईबीसीए-सम्मेलनमपि तेन सह आयोजनीयम् आसीत्, अतः तत् अपि स्थगितम्। तथापि म्यांमारदेशस्य राष्ट्रपतिः भारतस्य आधिकारिकयात्रायै आगच्छति।

अस्यां यात्रायां सः १ जून-मासे नवदेहल्यां प्रधानमन्त्रिणा मोदी-महोदयेन सह द्विपक्षीयवार्तां करिष्यति। उभौ नेतारौ भारत-म्यांमारदेशयोः ऐतिहासिक-सांस्कृतिकसम्बन्धान् अधिकं सुदृढान् कर्तुं विचारविमर्शं करिष्यतः। २ जून-मासे सः मुम्बईनगरं प्राप्स्यति, यत्र उद्योग-व्यापारक्षेत्रसम्बद्धेषु कार्यक्रमेषु सहभागं करिष्यति तथा विविध-औद्योगिकस्थलानां भ्रमणमपि करिष्यति।

यू-मिन-आंग-ह्लाइंगः म्यांमारदेशस्य एकादशः राष्ट्रपतिः तथा पूर्वसैनिक-सेनापतिः अस्ति। सः एप्रिल २०२६ मासे म्यांमारदेशस्य आधिकारिक-राष्ट्रपतिः अभवत्। अस्मात् पूर्वं सः फेब्रुवरी २०२१ मासे सैनिक-तख्तापलटेन म्यांमारदेशस्य निर्वाचितनेत्री आंग-सान-सू-ची-इत्यस्याः शासनं निष्कास्य सत्तां स्वीकृतवान्।

Hindusthan Samachar / Divya Ranjan