नवदिल्ली, 30 मईमासः (हि.स.)।

राष्ट्रपतिः द्रौपदी मुर्मुः, प्रधानमन्त्री नरेन्द्र मोदी, लोकसभाध्यक्षः ओमबिरला इत्येतैः सहिताः अनेके नेतारः गोवास्थापनादिवसस्य अवसरे राज्यस्य जनान् अभिनन्दनानि शुभकामनाश्च प्रदाय प्रदेशस्य समृद्ध-सांस्कृतिकसंपदः, प्राकृतिक-सौन्दर्यस्य तथा विकास-यात्रायाः प्रशंसाम् अकुर्वन्।

राष्ट्रपतिः मुर्मुः एक्स्-लेखे उक्तवती यत् गोवा केवलं स्वस्य समृद्ध-सांस्कृतिक-धरोहरायाः तथा सस्नेह-आतिथ्यस्य कारणेन प्रसिद्धः नास्ति, अपितु शिक्षा, प्रौद्योगिकी, स्टार्टअप् तथा सतत-विकास-क्षेत्रेषु अपि उल्लेखनीयां प्रगतिं करोति। नवोन्मेषस्य, पर्यावरण-संरक्षणस्य तथा समावेशी-विकासस्य प्रति स्वीय-प्रतिबद्धतया सह गोवा विकसित-भारत-निर्माणे महत्त्वपूर्णां भूमिकां निर्वहिष्यति। तया राज्यवासिनां समृद्धेः सुखस्य च कामना कृता।

प्रधानमन्त्री मोदी एक्स्-लेखे उक्तवान् यत् अयं दिवसः गोवायाः परिचयस्य प्रगतेः च कृते अथक-परिश्रमं कृतवन्तः सर्वान् जनान् कृतज्ञतया स्मर्तुम् अवसरम् अपि ददाति। सः उक्तवान् यत् गोवा निरन्तरं प्रगतिं कुर्यात् तथा विकसित-भारत-निर्माणे महत्त्वपूर्णां भूमिकां निर्वहेत्।

प्रधानमन्त्रिणा गोवायाः जनानां उत्तम-स्वास्थ्यस्य, सुख-समृद्धेः तथा उज्ज्वल-भविष्यस्य अपि कामना कृता।

अन्यस्मिन् लेखे प्रधानमन्त्री गोवायाः मातृभाषायाम् अपि शुभकामनाः प्रदत्तवान्। सः उक्तवान् यत् गोवा-राज्य-स्थापना-दिवसे सर्वेभ्यः जनाभ्यः अभिनन्दनानि। तेन गोवायाः संस्कृति:, धरोहरा तथा जनजीवनस्य प्रशंसा कृता। सहैव राज्यस्य विकासस्य समृद्धेः च प्रार्थना कृता।

लोकसभा-अध्यक्षः बिरला गोवां प्राकृतिक-सौन्दर्येन, समृद्ध-सांस्कृतिक-धरोहरया, विविध-परम्पराभिः तथा जीवन्त-जीवनशैल्या परिपूर्णं भारतस्य महत्त्वपूर्णं प्रदेशम् इति वर्णयन् राज्यस्य जनान् शुभकामनाः प्रदत्तवान्। सः उक्तवान् यत् समुद्र-तटानां मनोहर-छटा, ऐतिहासिक-धरोहराः, कला-संस्कृतिः तथा सामाजिक-सौहार्दम् गोवायै वैश्विक-स्तरे विशिष्टां परिचितिम् अददुः।

गृह-सहकारिता-मन्त्री अमितशाहः गोवां संस्कृतीनां धरोहराणां च भव्य-सङ्गमम् इति वर्णयन् राज्यस्य निरन्तर-समृद्धेः कामनाम् अकरोत्।

रक्षा-मन्त्री राजनाथसिंहः उक्तवान् यत् गोवायाः जीवन्त-परम्पराः, सामाजिक-सौहार्दम् तथा वर्धमानाः आकाङ्क्षाः भारतस्य विविधतायाम् एकतायाः शक्तिं प्रदर्शयन्ति।

कृषि-मन्त्री शिवराजसिंह-चौहानः गोवायाः प्राकृतिक-सौन्दर्यस्य सांस्कृतिक-विविधतायाः च प्रशंसां कृत्वा मुख्यमन्त्रिणः प्रमोद-सावन्तस्य नेतृत्वे राज्यस्य निरन्तर-प्रगतेः कामनाम् अकरोत्।

केन्द्रीय-विधि-न्याय-राज्यमन्त्री (स्वतन्त्र-प्रभारः) अर्जुनराम-मेघवालः राज्य-स्थापना-दिवसे अभिनन्दनानि प्रदाय पर्यटन-सहितेषु सर्वेषु क्षेत्रेषु विकासस्य नागरिकानां जीवनस्य सुख-समृद्धेः च कामनाम् अकरोत्।

काङ्ग्रेस-अध्यक्षः मल्लिकार्जुन-खरगे गोवां संस्कृति:, सौहार्दस्य प्रगतेः च प्रतीकम् इति वर्णयन् उक्तवान् यत् १९८७ तमे वर्षे पूर्व-प्रधानमन्त्रिणः राजीव-गान्धिनः नेतृत्वे गोवायै राज्यस्य दर्जा प्राप्तः आसीत्। तेन राज्ये शान्तेः, समृद्धेः तथा उज्ज्वल-भविष्यस्य कामना कृता।

लोकसभायां प्रतिपक्ष-नेता राहुल-गान्धी गोवां भारतस्य अत्यन्त-मूल्यवान् भूमिषु अन्यतमाम् इति वर्णयन् उक्तवान् यत् एषः प्रदेशः स्वस्य प्राकृतिक-सौन्दर्यस्य, समृद्ध-इतिहासस्य तथा विशिष्ट-सांस्कृतिक-धरोहरायाः कारणेन ज्ञायते। तेन राज्यस्य निरन्तर-प्रगतेः सफलतायाश्च शुभकामनाः प्रदत्ताः।

उत्तरप्रदेशस्य मुख्यमन्त्री योगी-आदित्यनाथः, देहली-मुख्यमन्त्री रेखा-गुप्ता, मध्यप्रदेशस्य मुख्यमन्त्री मोहन-यादवः तथा हरियाणायाः मुख्यमन्त्री नायबसिंह-सैनी अपि गोवा-स्थापना-दिवसे राज्यवासिनः अभिनन्दितवन्तः।

आम्-आदमी-पार्टी-दलस्य राष्ट्रिय-संयोजकः अरविन्द-केजरीवालः गोवां स्वहृदयस्य समीपवर्तीम् इति वर्णयन् उक्तवान् यत् राज्यस्य जनानां सस्नेहता आत्मीयता च तम् सदा प्रभावितवती। तेन गोवावासिनां सुखस्य, समृद्धेः तथा खुशहाल-जीवनस्य कामना कृता।

उल्लेखनीयम् अस्ति यत् ३० मई १९८७ तमे वर्षे गोवायै पूर्ण-राज्यस्य दर्जा प्राप्तः आसीत्। ततः प्रभृति एषः प्रदेशः पर्यटनस्य, संस्कृतेः, शिक्षायाः तथा आर्थिक-विकासस्य क्षेत्रेषु निरन्तरं प्रगतिं करोति।

-------------

Hindusthan Samachar / Dheeraj Maithani