-उत्तराखंड सचिवालय बैडमिंटन क्लब इत्यस्य वार्षिक्याः प्रतियोगितायाः शुभारंभः

देहरादूनम्, 30 मईमासः (हि.स.)। उत्तराखण्डस्य क्रीडामन्त्री रेखा आर्या शनिवासरे देहरादूनस्य परेड ग्राउण्डस्थिते मल्टीपरपज हॉलमध्ये राज्यसचिवालय बैडमिंटन क्लबेन आयोजितायाः वार्षिक बैडमिंटन प्रतियोगिता २०२६ इत्यस्य शुभारम्भम् अकुरुत। प्रतियोगितायां २०० अधिकाः क्रीडकाः सहभागित्वं कुर्वन्ति।

अस्मिन् अवसरे क्रीडामन्त्री आर्या अवदत् यत् क्रीडाः व्यक्तिं परिश्रमं, संघर्षं तथा समर्पणम् इत्यादीन् गुणान् शिक्षयन्ति, ये तस्य जीवनपर्यन्तं उपयोगिनः भवन्ति। सा अवदत् यत् कार्यं यथा आवश्यकं भवति, तथैव क्रीडाः अपि शरीरस्य मनसश्च स्वास्थ्यरक्षणार्थं अत्यावश्यकाः भवन्ति।

रेखा आर्या अवदत् यत् सचिवालयस्य कर्मचारिणः अधिकारिणश्च अवकाशदिवसेषु अस्याः प्रतियोगितायाः आयोजनं कृत्वा एतत् सन्देशं प्रददति यत् व्यस्तकार्यशैल्याः मध्ये अपि क्रीडाकलापानां कृते समयनिर्गमनम् आवश्यकम् अस्ति। सा अवदत् यत् क्रीडाः केवलं शारीरिकक्षमतामेव न वर्धयन्ति, अपितु अनुशासनं, धैर्यं तथा दलभावनाम् अपि विकसितवन्ति।

सा अवदत् यत् राष्ट्रीयक्रीडानां सफलआयोजनानन्तरम् उत्तराखण्डे क्रीडासंस्कृतेः नूतनः विस्तारः अभवत्। अधुना प्रदेशस्य कोऽपि स्टेडियम रिक्तः न भवति तथा क्रीडकाः नियमितरूपेण अभ्यासार्थं आगच्छन्ति। राज्यस्तरीय तथा राष्ट्रीयस्तरीय क्रीडाप्रतियोगितानाम् अपि निरन्तरम् आयोजनं क्रियते। प्रदेशस्य सरकार अपि क्रीडानां क्रीडकानां च प्रोत्साहनार्थं पूर्णप्रतिबद्धतया कार्यं कुर्वती अस्ति।

पदकविजेतृक्रीडकानां कृते शासकीयसेवासु चतुर्प्रतिशतारक्षणं तथा आउट ऑफ टर्न नियुक्तिः इत्यादयः प्रावधानाः युवानः क्रीडां करियररूपेण स्वीकर्तुं प्रेरितवन्तः।

क्रीडामन्त्री अवदत् यत् उत्तराखण्डे विकसितं अन्ताराष्ट्रियस्तरस्य क्रीडामूलभूतसंरचनां दृष्ट्वा भविष्ये कॉमनवेल्थ तथा ओलम्पिक इत्यादीनां महत्त्वपूर्णानां आयोजनानां केषाञ्चित् क्रीडास्पर्धानां आतिथ्यस्य अवसरः अपि राज्याय प्राप्तुं शक्यते।

अस्मिन् अवसरे क्लब इत्यस्य अध्यक्षः हीरासिंह बसेड़ा, महासचिवः प्रमोदकुमारः, प्रभारी जिलाक्रीडाधिकारी रविन्द्र भण्डारी, भूपेन्द्र बसेड़ा, सत्येन्द्रसिंह सजवाण, अन्ताराष्ट्रिय बैडमिंटन क्रीडिका पुनीता, संजय जोशी सहिताः अनेकाः क्रीडकाः तथा क्रीडाप्रेमिणः उपस्थिताः आसन्।

------------------

Hindusthan Samachar / Dheeraj Maithani