Enter your Email Address to subscribe to our newsletters
देहरादूनम्, 30 मईमासः (हि.स.)। मुख्यमन्त्री पुष्करसिंहधामी उक्तवान् यत् प्रधानमन्त्रिणः नरेन्द्रमोदिनः नेतृत्वे भारतदेशः अभूतपूर्वां प्रगतिं प्राप्तवान् अस्ति तथा च विकसितभारतस्य स्वप्नम् अधुना प्रत्येकस्य भारतीयस्य स्वप्नं जातम् अस्ति। तेन उक्तं यत् “रिफॉर्म, परफॉर्म तथा ट्रांसफॉर्म” इति नीत्या भारतस्य वैश्विकी प्रतिष्ठा नूतनशिखराणि प्राप्तवती अस्ति।
मुख्यमन्त्री धामी शनिवासरे देहरादूननगरे शिवालिककॉलेजऑफइञ्जिनियरिङ्ग इत्यत्र आयोजितायां प्रबुद्धगोष्ठ्यां सम्बोधनं कुर्वन् आसीत्। तेन उक्तं यत् अद्य शिक्षा केवलं पुस्तकेषु सीमिता न भवितुम् अर्हति। शिक्षणसंस्थासु कौशलविकासः, अनुसन्धानम्, नवाचारः, बहुविषयकपाठ्यक्रमाश्च प्रोत्साहनीयाः सन्ति, एषा कालस्य आवश्यकता अस्ति। तेन उक्तं यत् प्रदेशे मुख्यमन्त्रीउद्यमशाला इत्यादयः पहलाः युवानः आत्मनिर्भरान् कर्तुं महत्त्वपूर्णां भूमिकां निर्वहन्ति।
धामी उक्तवान् यत् नूतनशिक्षानीतिः भारतस्य प्राचीनज्ञानपरम्परायाः आधुनिकावश्यकतानां च मध्ये सशक्तसेतुरूपेण कार्यं करोति। प्राचीनभारतं विश्वस्य अग्रणी ज्ञानकेन्द्रम् आसीत् तथा च नूतनशिक्षानीतिः तस्य गौरवस्य पुनर्स्थापनदिशि महत्त्वपूर्णं पदम् अस्ति। तेन उक्तं यत् प्रदेशे डिजिटललर्निङ्ग, आर्टिफिशियलइण्टेलिजेन्स, स्टार्टअप, नवाचारः तथा स्किलडेवलपमेण्ट इत्येषां प्रोत्साहनेन युवानः भविष्यस्य चुनौतीनां कृते सक्षमाः क्रियमाणाः सन्ति।
कार्यक्रमे सम्मिलितः भाजपाप्रदेशाध्यक्षः महेन्द्रभट्टः उक्तवान् यत् विकसितभारतस्य अर्थः गरीबीमुक्तः, उत्कृष्टाधारभूतसंरचनायुक्तः, उच्चशिक्षाक्षेत्रे अग्रणी तथा नवाचारक्षेत्रे विश्वनेतृत्वं कुर्वन् भारतः इति। तेन उक्तं यत् पर्यटनम्, जैविककृषिः तथा डिजिटलसेवाः इत्यादिषु क्षेत्रेषु अपराः सम्भावनाः सन्ति। तकनीकीविकासस्य माध्यमेन प्रदेशस्य समस्याः समाधानं प्राप्नुयुः तथा च उत्तराखण्डं देशस्य आदर्शराज्यं निर्मातुं शक्यते।
उच्चशिक्षामन्त्री डॉ धनसिंहरावतः उक्तवान् यत् राज्ये पूर्णसाक्षरता, गृहं प्रति विद्युत्सुविधा, जलसुविधा तथा मार्गसुविधा प्रदाने दिशि उल्लेखनीयानि कार्याणि सम्पन्नानि सन्ति। तेन सूचितं यत् भिक्षां याचमानानां प्रायः सप्तदशशतानि बालकानां शिक्षां संरक्षणं च प्रदातुं छात्रावासेषु स्थानं दत्तम् अस्ति। आयुष्मानयोजनायाः अन्तर्गतं पञ्चलक्षरूप्यकपर्यन्तं निःशुल्कस्वास्थ्यसुविधा प्रदीयते तथा च लक्षशः जनाः अस्य लाभं प्राप्तवन्तः सन्ति। उच्चशिक्षायाः रोजगारस्य उद्यमितायाश्च सह सम्बन्धनं शासनस्य प्राथमिकता अस्ति।
उत्तराखण्डतकनीकीविश्वविद्यालयस्य कुलपतिः प्रो त्रिप्ताठाकुर उक्तवती यत् नूतनशिक्षानीतेः प्रभावी क्रियान्वयनम् तथा तकनीकाधारितशिक्षायाः प्रोत्साहनेन विकसितभारतस्य लक्ष्यं निर्धारितकालात् पूर्वमपि प्राप्तुं शक्यते। तया शिक्षाक्षेत्रे डिजिटलतकनीकस्य, कृत्रिमबुद्धेः तथा आधुनिककौशलानां समावेशस्य आवश्यकता प्रतिपादिता।
हेमवतीनन्दनबहुगुणागढ़वालविश्वविद्यालयस्य कुलपतिः प्रो प्रकाशसिंह उक्तवान् यत् नूतनशिक्षानीतिः “राष्ट्रं प्रथमम्” इति भावनया आधारिताऽस्ति तथा च भारतं वैश्विकनेतृत्वदिशि अग्रे नेतुं समर्था अस्ति। तेन उक्तं यत् कक्षा षष्ठ्याः आरभ्य कौशलशिक्षायाः प्रावधानं भविष्यस्य आवश्यकतानुसारम् अस्ति।
कार्यक्रमे शिवालिकसमूहस्य अध्यक्षः सुनीलकुमारः, वाइसचेयरमैन अजयकुमारः, विधायकः सहदेवसिंहपुण्डीरः, मुन्नासिंहचौहानः, सविताकपूरः, डॉ दुर्गेशपन्तः सहिताः अनेकाः शिक्षाविदः, जनप्रतिनिधयः तथा बुद्धिजीविनः उपस्थिताः आसन्।
-------------------------
Hindusthan Samachar / Dheeraj Maithani