गुवाहाटी, 31 मईमासः, (हि.स.)।असम विधानसभा इत्यस्य पूर्व-अध्यक्षस्य विश्वजीत दैमारी कार्यकाले सम्पन्नासु कथित-अनियमित-नियुक्तिषु सम्बन्धेन विधानसभा-सचिवालये महती प्रशासनिक-कार्यवाही कृता अस्ति। भर्ती-प्रक्रियायाः समीक्षोपरान्तम् अद्यावधि कुलम् २८ कर्मचारिणां सेवाः समाप्ताः कृताः सन्ति।

प्राप्त-सूचनानुसारं नियुक्तिषु नियमाणां निर्धारित-प्रक्रियाणां च अवहेलनायाः आरोपानन्तरं असम विधानसभा सचिवालयेन भर्ती-प्रकरणानां जांचा आरब्धा आसीत्। समीक्षायां बह्व्यः नियुक्तयः नियम-अनुरूपाः न प्राप्ताः, यस्य आधारेण सम्बद्ध-कर्मचारिणां पदमुक्तेः निर्णयः कृतः।

कार्यवाह्याः प्रथम-चरणे २९ मई-दिने १२ कर्मचारिणः सेवातः मुक्ताः कृताः आसन्। ततः अनन्तरं शनिवासरे अन्येषां १६ कर्मचारिणाम् अपि सेवाः समाप्ताः कृताः। एवं द्वयोः चरणयोः कुलम् २८ कर्मचारिणः पदात् अपसारिताः सन्ति।

सूत्राणां अनुसारं नियुक्ति-सम्बद्ध-प्रकरणानां परिशीलन-समीक्षा-प्रक्रिया अद्यापि प्रवर्तते। प्रशासनस्य कथनम् अस्ति यत् नियुक्तिषु पारदर्शिता, उत्तरदानता तथा नियम-पालनं सुनिश्चितं कर्तुं आवश्यक-पदानि गृहीयन्ते।

प्रशासनिक-परिसरेषु एषा कार्यवाही असम विधानसभा सचिवालयस्य नियोजन-प्रक्रियाम् अधिक-पारदर्शिनीं नियम-सम्मतां च कर्तुं दिशि महत्त्वपूर्णं पदम् इति मन्यते। अपरपक्षे, प्रकरणेन सम्बद्धानाम् अन्यासां नियुक्तीनाम् अपि जांचा क्रियते तथा भविष्ये अधिक-कार्यवाह्याः सम्भावना अपि न निराकृता अस्ति।-------------------

Hindusthan Samachar / Dheeraj Maithani