गुवाहाटी, 31 मईमासः, (हि.स.)।असम सर्वकारस्य मन्त्रिमण्डल-विस्तारः ५ जून-दिने भविष्यति इति सम्भावना वर्तते। अस्य कृते प्रायः सर्वाःसज्जाः सम्पन्नाः सन्ति तथा शपथ-ग्रहण-समारोहः गुवाहाटी नगरे आयोजितः भवितुम् अर्हति। राज्यस्य राजनीतौ अयं विस्तारः महत्त्वपूर्णः मन्यते।

मुख्यमन्त्री डॉ. हिमंत बिस्व सरमा संकेतं दत्तवान् यत् विस्तारित-मन्त्रिमण्डले समावेशितव्य-विधायकानां सूची अन्तिमरूपेण सिद्धा कृता अस्ति। मन्त्रिमण्डल-विस्तारार्थम् आवश्यक-अनुमोदनम् अपि प्राप्तम् अस्ति।

दल-सूत्राणां अनुसारं शनिवासरे नई दिल्ली नगरे मुख्यमन्त्रिणः डॉ. हिमंत बिस्व सरमा प्रधानमन्त्री नरेन्द्र मोदी इत्येतयोः मध्ये सम्पन्ने मेलने सम्भावित-मन्त्रिणां सूची विषये अन्तिम-सहमति अभवत्। मुख्यमन्त्रिणा अपि सामाजिक-माध्यमेन ५ जून-दिने मन्त्रिमण्डल-विस्तारस्य सूचना प्रसारिता अस्ति।

राजनीतिक-सूत्राणां कथनम् अस्ति यत् अस्मिन् विस्तारे ७ तः १२ विधायकाः मन्त्रिपदस्य शपथं ग्रहीष्यन्ति। तेन सह कतिपय-विभागानां पुनर्वितरणस्य अपि सम्भावना व्यक्ता क्रियते।

उल्लेखनीयम् अस्ति यत् मुख्यमन्त्रिणा सह चतुर्णां कैबिनेट-मन्त्रिणां शपथ-ग्रहणानन्तरम् एव मन्त्रिमण्डले नवीन-मुखानां समावेशं प्रशासनिक-सन्तुलनस्य सुदृढीकरणं च प्रति चर्चाः तीव्राः आसन्। तथापि मन्त्रिमण्डलस्य अन्तिम-स्वरूपस्य सम्भावित-मन्त्रिणां नाम्नां च आधिकारिक-घोषणा अद्यापि न कृता अस्ति।

राज्य-मन्त्रिमण्डलस्य अस्य विस्तारस्य विषये राजनीतिक-दलानां प्रशासनिक-परिसराणां च दृष्टयः केन्द्रिताः सन्ति, यतः अनेन सर्वकारस्य आगामि-रणनीतेः राजनीतिक-समीकरणानां च झलकः प्राप्तुं शक्यते।--------------------

Hindusthan Samachar / Dheeraj Maithani