Enter your Email Address to subscribe to our newsletters
शिमलानगरम्, ३१ मे-मास: (हि.स.)। हिमाचल-प्रदेशस्य मुख्यमन्त्री ठाकुर-सुखविन्द्रसिंह-सुक्खू-महाभागः जनगणना-निर्देशालयेन प्रदत्तस्य ‘स्वगणना’ विकल्पस्य अधिकतम-उपयोगाय नागरिकान् आह्वयत्।
सः अवदत् यत् सामान्य-नागरिकाः ०१ जूनमासतः १५ जूनमास: २०२६ पर्यन्तं स्वगणना-पटलं se.census.gov.in इत्यत्र गत्वा स्वसूचनां दातुं शक्नुवन्ति। सः उक्तवान् यत् जनगणना अस्माकं लोकतन्त्रस्य विकासस्य च मेरुदण्डः अस्ति, यया जनसंख्या-परिवार-स्थितिः आवासः संसाधनानि तथा नागरिकेभ्यः उपलब्ध-सुविधाः इत्यादीनां विषये महत्त्वपूर्णानि विवरणानि प्राप्यन्ते।
मुख्यमन्त्री उक्तवान् यत् हिमाचल-प्रदेशे जनगणना द्विभागेषु भविष्यति—प्रथम-चरणे १६ जूनतः १५ जुलाई-पर्यन्तं गृह-सूच्यांकनं तथा गृह-गणना भविष्यति, द्वितीय-चरणे जनसंख्या-गणना करिष्यते। सः अवदत् यत् अस्मिन् वारे जनगणना डिजिटल-रूपेण भविष्यति, यत्र प्रगणकाः तथा पर्यवेक्षकाः स्व-चल-यन्त्रैः गृहाणां परिवाराणां च विवरणं संकलयिष्यन्ति।
सः अपि अवदत् यत् हिमाचल-प्रदेशस्य हिमाच्छादित-क्षेत्रेषु द्वितीय-चरणस्य कार्यं ११ सितम्बरतः ३० सितम्बरमासे २०२६ मध्ये तथा शेष-क्षेत्रेषु ०९ फरवरीमास: २०२७ तः २८ फरवरीमास: २०२७ पर्यन्तं सम्पन्नं भविष्यति।
अन्ते मुख्यमन्त्री प्रदेशवासिनः प्रति आह्वानं कृतवान् यत् ते अस्मिन् राष्ट्रिय-महत्त्वपूर्णे कार्ये सक्रियतया सहभागं कुर्वन्तु तथा प्रगणक-पर्यवेक्षक-जनगणना-कर्मचारिभ्यः सम्यक् पूर्णां च सूचनां दद्युः, यतः एतानि विवरणानि भविष्य-नीति-निर्माणे महतीं भूमिकां निर्वहन्ति।
Hindusthan Samachar / Divya Ranjan