नव दिल्ली, 31 मईमासः (हि.स.)।

दिल्लीस्य मुख्यमन्त्री रेखा गुप्ता अद्य दक्षिण-दिल्ली-स्थितस्य साकेत मेट्रो स्टेशन समीपे भवन-पतन-स्थलस्य निरीक्षणं कृतवती। अस्मिन् दुर्घटनायां द्वयोः जनयोः मृत्युः अभवत् तथा अष्ट जनाः आहताःसन्ति, येषु त्रयाणां अवस्था गम्भीरा वर्तते।

सा अत्र माध्यम-प्रतिनिधीन् सम्बोधयन्ती उक्तवती यत् राहत-रक्षणाभियानम् अद्यापि प्रवर्तमानम् अस्ति। तया उक्तं यत् वैद्याः अद्यापि अत्र उपस्थिताः सन्ति तथा बचाव-अभियानं अत्यन्त-सावधानतया संचाल्यते।

मुख्यमन्त्री स्पष्टतया उक्तवती यत् एतादृशानां सर्वासाम् अनधिकृत-भवनानां तथा तेषां कृते उत्तरदायिनाम् अधिकारिणां विरुद्धं कठोर-कार्यवाही क्रियिष्यते। तया उक्तं यत् भवन-पतन-घटनया सा अत्यन्तं चिन्तिता अस्ति। सरकारस्य मुख्य-ध्यानं वर्तमाने बचाव-अभियाने केन्द्रितम् अस्ति।

मुख्यमन्त्रिणा सूचितं यत् एनडीआरएफ, दिल्ली अग्निशमन सेवा, दिल्ली पुलिस, डीडीएमए, एमसीडी, सीएटीएस तथा नागरिक-सुरक्षा-दलानि युद्ध-स्तरे रक्षणाभियानं संचालयन्ति। अवरुद्धान् जनान् सुरक्षिततया निष्कासयितुं प्रभावित-परिवारान् च त्वरित-सहायतां प्रदातुं सर्वे सम्भव-प्रयत्नाः क्रियन्ते।

तया उक्तं यत् परिस्थितेः उपरि कठोर-दृष्टिः स्थापिता अस्ति तथा सर्वाः सम्बद्ध-संस्थाः समन्वयेन कार्यं कुर्वन्ति। प्रत्येक-नागरिकस्य सुरक्षा तथा कल्याणम् अस्माकं सर्वोच्च-प्राथमिकता अस्ति।

उल्लेखनीयम् अस्ति यत् दक्षिण-दिल्ली-स्थितस्य साकेत मेट्रो स्टेशन समीपे स्थिते सैदुल्लाजाब-क्षेत्रे शनिवासरे सायंकाले एकं चतुस्तलीय-व्यावसायिक-भवनं सहसा ध्वस्तम् अभवत्। दुर्घटनानन्तरं सम्पूर्णे क्षेत्रे अफरा-तफरी अभवत् तथा सर्वत्र धूलिकायाः घन-मेघः व्याप्तः अभवत्।

भवनस्य मलबः पार्श्वस्थितस्य टीन-शेड-अधः संचालितायाः एकस्य भोजनालयस्य तथा समीपवर्ती-संरचनानाम् उपरि अपतत्। तस्मिन् समये भोजनालये केचन छात्राः भोजनं कुर्वन्तः आसन्, ये मलबे अधः अवरुद्धाः अभवन्।

दमकल-अधिकारिणाम् अनुसारं शनिवासरे सायं ७:४४ वादने भवन-पतनस्य सूचना प्राप्ता आसीत्। सूचनां प्राप्य सप्त दमकल-वाहनानि तत्क्षणमेव घटनास्थलं प्रति प्रेषितानि।

प्रारम्भिक-परिशीलने ज्ञातं यत् सैदुल्लाजाब-क्षेत्रस्य पञ्चम-लेन-स्थितस्य अस्य भवनस्य चतुर्थ-तलीये निर्माण-कार्यं प्रचलति स्म। यदा राहत-दलानि घटनास्थलं प्राप्तवन्तः तदा सम्पूर्णं भवनं कंक्रीट-मलबस्य, वक्र-लौह-दण्डानां तथा भग्न-स्तम्भानां विशाल-राशौ परिवर्तितम् आसीत्।

---------------

Hindusthan Samachar / Dheeraj Maithani