Enter your Email Address to subscribe to our newsletters
नवदिल्ली, ३१ मे-मास: (हि.स.)। रक्षा-मन्त्री राजनाथसिंहः ०१ जून-मासे नवदेहली-नगरे स्वसमकक्षेण ऑस्ट्रेलिया-देशस्य उप-प्रधानमन्त्रिणा रिचर्ड-मार्लेस-महाभागेन सह ‘इण्डिया-ऑस्ट्रेलिया रक्षा-मन्त्री-संवादस्य’ अध्यक्षतां करिष्यति।
अस्मिन् संवादे द्विपक्षीय-रक्षा-सहयोगे सम्पन्नायाः प्रगतिः मूल्याङ्किता भविष्यति तथा च सहयोगस्य नूतनाः मार्गाः अन्विष्यन्ते।
विमर्शे रक्षा-तथा-सुरक्षा-सहयोगस्य सुदृढीकरणं, सैन्य-अन्तःसंचालन-क्षमता-वृद्धिः, उद्योग-सहकार्यं तथा परस्पर-हिताय क्षेत्रीय-वैश्विक-सुरक्षा-विकासः इत्यादिषु विषयेषु ध्यानं दास्यते।
अस्मात् बैठकात् द्विपक्षीय-रक्षा-सम्बन्धानां अधिक-सुदृढीकरणस्य, सामरिक-विश्वासस्य सहयोगस्य च वृद्धेः, हिन्द-प्रशान्त-क्षेत्रे स्थिरतायाः सुरक्षा-प्रवर्धनस्य च नूतनानां दिशां लब्धुं अपेक्षा अस्ति।
रिचर्ड-मार्लेस-महाभागस्य इदं भारत-भ्रमणं अक्टूबर-२०२५ तः ऑस्ट्रेलिया-देशे सम्पन्नायाः प्रथम-संवादस्य अनन्तरं भवति, यत् भारत-ऑस्ट्रेलिया-व्यापक-रणनीतिक-सहभागिता वर्धमानां गतिं प्रदर्शयति।
ऑस्ट्रेलिया-देशः भारतस्य सर्वान् समावेशयितुं युक्तस्य च समृद्धस्य इण्डो-पैसिफिक-परिकल्पनायाः महत्त्वपूर्णः सहभाग: अस्ति। इदं भ्रमणं भारत-ऑस्ट्रेलिया-रक्षा-सहभागं वर्धमानां गभीरतां दृढतां च सूचयति।
Hindusthan Samachar / Divya Ranjan