भोपाल-नगरम्, ३१ मे-मासः (हि.स.)। मध्यप्रदेशस्य मुख्यमन्त्री डॉ.मोहन-यादवः अद्य रविवासरे शाजापुर-जनपदस्य शुजालपुर-नगरे जवाहरलाल-नेहरू-स्मृति-शासकीय-स्नातकोत्तर-महाविद्यालये स्थिते मतदान-केन्द्र-क्रमाङ्के २५८ कृषकैः, कार्यकर्तृभिः तथा स्थानीयजनैः सह प्रधानमन्त्री नरेंद्र मोदी इत्यस्य ‘मन की बात’ कार्यक्रमस्य श्रवणं करिष्यति।

उल्लेखनीयम् अस्ति यत् अद्य रविवासरे प्रातः ११ वादनात् प्रधानमन्त्री नरेंद्र मोदी इत्यस्य लोकप्रियस्य आकाशवाणी-कार्यक्रमस्य ‘मन की बात’ इत्यस्य १३४तम-संस्करणस्य प्रसारणं भविष्यति। जनसम्पर्क-अधिकारी घनश्याम-सिरसाम-महाभागेन उक्तं यत् मुख्यमन्त्री डॉ.मोहन-यादवः शुजालपुरे अस्य कार्यक्रमस्य श्रवणं करिष्यति।

एतदतिरिक्तं मुख्यमन्त्री डॉ.मोहन-यादवः शुजालपुरे एव स्थानीय-कृषकैः सह संवादं करिष्यति। सः तत्र आयोजितेषु अन्येषु अपि कार्यक्रमेषु सहभागित्वं करिष्यति।

Hindusthan Samachar / Divya Ranjan