महेश्वरनगरम्, ३१ मे-मासः (हि.स.)। अहिल्याबाई-होल्करस्य जन्म-जयन्ती अत्र विशेष-आडम्बर-रहित-भव्य-रूपेण आचर्यते। अस्मिन् अवसरे भगवत: शिवस्य सामूहिक-अभिषेकः क्रियते, यस्मिन् नगरस्य विविधेभ्यः समाजेभ्यः तथा मोहल्लाभ्यः जनाः सहभागित्वं करिष्यन्ति। कार्यक्रमस्य प्रमुखं आकर्षणं एतत् यत् प्रत्येकं गृहात् श्रद्धालवः १०८ अक्षतान् गृहीत्वा भगवते शिवाय अर्पयिष्यन्ति।

अहिल्याबाई-होल्करस्य जन्म-त्रिशताब्दी-पूर्त्यवसरे नगर-परिषदा भवानी-माता-चतुष्पथ-स्थितायाः तस्याः प्रतिमायाः विशेष-पूजनं तथा पुण्यार्चनं करिष्यते। अस्य आयोजनस्य कारणेन नगरे उत्साहपूर्णं वातावरणं दृश्यते तथा विभिन्न-समाजानां जनाः अस्मिन् कार्यक्रमे सहभागितां कर्तुं सज्जाः सन्ति। नगर-परिषदा अस्य कार्यक्रमस्य ऐतिहासिक-सांस्कृतिक-स्वरूपं दातुं योजना निर्मिता अस्ति।

खरगोन-जनपदस्य ऐतिहासिकं महेश्वर-नगरं देवी अहिल्याबाई-होल्करस्य शासनकाले राजधानी आसीत्। अतः तस्याः जयन्ती नगर-परिषदा “नगर-गौरव-दिवसः” इति रूपेण अपि आचर्यते। अस्मिन् अवसरे भगवत: शिवस्य “समरसता-अभिषेकः” क्रियते, यस्मिन् नगरस्य प्रत्येक-गृहात् १०८ अक्षतानां समर्पणं भविष्यति।

नगर-परिषत्-अध्यक्ष-प्रतिनिधिः गजराज-यादवः अवदत् यत् कार्यक्रमस्य अन्तर्गतं भगवत: शिवस्य समरसता-अभिषेकः भविष्यति। अस्मिन् नगरस्य ४० समाजाः तथा ११ मोहल्लासु निवसन्तः २५५ युगलानि (दम्पत्यः) सहभागित्वं करिष्यन्ति। प्रत्येकं समाजात् पञ्च युगलानि चयनितानि सन्ति, ये विविध-द्रव्यैः भगवत: शिवस्य अभिषेकं करिष्यन्ति। अस्य आयोजनस्य उद्देश्यं समाजे एकता-समरसतयोः संदेशं प्रसारयितुम् अस्ति।

Hindusthan Samachar / Divya Ranjan