काठमांडूः, 31 मईमासः (हि.स.)।

नेपालस्य अध्यागमनविभागेन विदेशे जीविकार्थं नेपालीनागरिकाणां श्रमस्वीकृतेः विना जीविकार्थं विदेशगमनम् निषिद्धम् कृतम्। विभागस्य अनुसारं श्रमिकवीजां प्राप्तवन्तः केचन नेपालीनागरिकाः जीविकार्थं विदेशयात्रां कर्तुं न शक्नुवन्ति। केवलं श्रमस्वीकृतेः कृते आवेदनं कृत्वा स्वीकृतिं न प्राप्त्वापि प्रस्थानानुमतिं प्राप्तुं त्रिभुवन-अन्तरराष्ट्रीय-विमानस्थलस्य अध्यागमनकार्यालयं प्रति आगच्छन्ति। अध्यागमनविभागस्य अनुसारं केवलम् आवेदनं दत्त्वा स्वीकृतिं न प्राप्त्वा विमानस्थलं प्रति आगमनात् श्रमिकाणां अनावश्यककठिनताः उत्पद्यन्ते। अतः श्रमिकेभ्यः अनुरोधः कृतः यत् ते श्रमस्वीकृतेः निर्गमनानन्तरमेव यात्रार्थं विमानस्थलं प्रति आगच्छेयुः।

विभागेन उक्तं यत् बहुषु प्रकरणेषु श्रमिकाः मन्यन्ते यत् तेषां श्रमस्वीकृतिः सम्पन्ना अभवत्, किन्तु वस्तुतः तेषां पक्षतः अन्येन केनचित् व्यक्तिना केवलम् आवेदनमेव समर्पितम् भवति। अस्य स्थितेः सूचना स्वयम् श्रमिकेभ्यः अपि न भवति। अध्यागमनविभागेन श्रमिकवीजया विदेशं गच्छन्तः सर्वे नेपालीनागरिकाः प्रार्थिताः यत् ते यात्रायाः पूर्वं एतत् सुनिश्चितं कुर्वन्तु यत् तेषां श्रमस्वीकृतिः वास्तवतः निर्गता अस्ति।

विभागेन स्पष्टतया उक्तं यत् यदि केवलं श्रमअनुमत्यर्थम् आवेदनं कृतम् अस्ति, किन्तु तस्य स्वीकृतिः न प्राप्ता अस्ति, तर्हि एतादृशानां श्रमिकवीजाधारकाणां विदेशप्रस्थानस्य अनुमतिः अध्यागमनकार्यालयेन न दास्यते।

---------------

Hindusthan Samachar / Dheeraj Maithani