सूरतम्, 31 मईमासः (हि.स.)।

गतवर्षस्य दिसम्बर-मासे सूरत-नगरस्य डिंडोली-क्षेत्रस्य डेलाडवा-तालाब-समीपे लावारिस-अवस्थायां प्राप्ता नवजात-शिशु-कन्या ‘हस्ती’ अन्ततः नूतनं परिवारं प्राप्तवती। सूरत-पुलिस-विभागेन स्नेहेन अस्याः कन्यायाः नाम ‘हस्ती’ इति स्थापितम् आसीत्। एषा कन्या मुम्बई-नगरनिवासिभ्यां मनीष-दीप्ती-कोटक-दम्पत्योः दत्तकत्वेन स्वीकृता। दत्तक-ग्रहण-प्रक्रियायां भावुकं वातावरणं दृष्टिगोचरम् अभवत् तथा उपस्थितानां जनानाम् नेत्रेषु अश्रूणि अपि समजनि।

६ दिसम्बर् २०२५ तमे दिने डिंडोली-डेलाडवा-तालाब-समीपे एका नवजात-कन्या लावारिस-अवस्थायां प्राप्ता आसीत्। सूचना प्राप्तमात्रेण सूरत-पुलिसेन कन्या सुरक्षितरूपेण रक्षिता तथा तस्यै आश्रयः प्रदत्तः। ततः परं तस्याः चिकित्सा, पालन-पोषणं तथा समस्ताः वैधानिक-प्रक्रियाः सम्पन्नाः। कन्यायाः प्रति विशेष-स्नेहं दर्शयन्त्या सूरत-पुलिसया तस्याः नाम ‘हस्ती’ इति कृतम्। कालेन सा सम्पूर्णस्य पुलिस-परिवारस्य लाडली अभवत्।

शनिवासरे कतारगाम-स्थिते बालाश्रमे आयोजितायां दत्तक-ग्रहण-प्रक्रियायां सूरत-पुलिस-आयुक्तः अनुपम-सिंह-गहलोत-महोदयः, तस्य पत्नी संध्या-गहलोत-महोदया, जिलाधिकारी तेजस्-परमार-महोदयः तथा अन्ये बहवः गणमान्य-जनाः उपस्थिताः आसन्। समस्ताः वैधानिक-औपचारिकताः सम्पन्नाः अनन्तरं ‘हस्ती’ मुम्बई-नगरस्य मनीष-कोटक-दीप्ती-कोटक-दम्पत्योः हस्ते समर्पिता। एषः क्षणः तत्र उपस्थितानां पुलिस-कर्मचारिणां, बालाश्रम-कर्मचारिणां तथा अतिथीनां कृते अत्यन्तं भावुकः आसीत्।

१० वर्षाणां अनन्तरं मातृत्व-पितृत्व-स्वप्नस्य पूर्तिः अभवत्।

मुम्बई-नगरनिवासिनौ मनीष-दीप्ती-कोटक-दम्पती गत-दशवर्षेभ्यः सन्तान-प्राप्तेः प्रतीक्षां कुर्वन्तौ आस्ताम्। दीर्घ-प्रतीक्षायाः अनन्तरं ‘हस्ती’ तयोः परिवारं प्राप्तवती, येन तयोः जीवने नूतनाः हर्षाः आगताः। दम्पत्योः कन्यायै पूर्णं प्रेम, सुरक्षा तथा उत्तमं भविष्यं दातुं संकल्पः कृतः।

एकस्मिन्नेव दिने त्रयः कन्यकाः नूतनं परिवारं प्राप्तवन्त्यः।

विशेष-विषयः अयम् आसीत् यत् कतारगाम-स्थिते शिशु-मन्दिरे शनिवासरे केवलं ‘हस्ती’ एव न, अपितु कुलतः तिस्रः कन्यकाः विभिन्न-परिवारैः दत्तकत्वेन स्वीकृताः। पुणे-नगरनिवासी अभियन्ता कौस्तुभ-गारोले-महोदयः तथा तस्य पत्नी अमृता-गारोले-महोदया एकां कन्यां दत्तकत्वेन स्वीकृतवन्तौ, यदा भुज-नगरस्य व्यवसायी जिगर-कोटक-महोदयः तथा तस्य पत्नी विश्वा-कोटक-महोदया अपि एकां कन्यां स्वपरिवारस्य सदस्यत्वेन अङ्गीकृतवन्तौ।

अस्मिन् अवसरे पुलिस-आयुक्तः अनुपम-सिंह-गहलोत-महोदयः समाजस्य प्रति आवाहनं कृतवान् यत् नवजात-शिशून् कूर्पराशिषु, मार्गेषु अथवा निर्जन-स्थानेषु परित्यज्य न स्थापनीयाः, अपितु सरकारी-शिशुगृहेषु सुरक्षितरूपेण समर्पणीयाः, येन तेषां उत्तमः पालन-पोषणः तथा उज्ज्वलः भविष्यः सुनिश्चितः भवेत्।

“हस्ती अस्माकं पुत्रीव आसीत्”

सूरत-पुलिस-आयुक्तः अनुपम-सिंह-गहलोत-महोदयः तथा डिंडोली-पुलिस-दलस्य सदस्याः अपि ‘हस्ती’-विदाय-समये भावुकाः अभवन्। तैः उक्तम्— “यदा एषा कन्या अस्माभिः प्राप्ता, तदैव तस्याः सह भावनात्मकः सम्बन्धः जातः। सा अस्माकं कृते केवलं प्रकरणं नासीत्, अपितु स्वकीय-पुत्रीव आसीत्। अद्य तस्यै प्रेमपूर्णं परिवारं प्राप्तम्, एतत् अस्माकं कृते गौरवस्य हर्षस्य च विषयः अस्ति।” तैः एतदपि उक्तम् यत् यद्यपि ‘हस्ती’ अधुना मुम्बई-नगरं गता, तथापि तस्याः स्वास्थ्यं, शिक्षा तथा उज्ज्वलं भविष्यं प्रति सूरत-पुलिस-परिवारः सदैव सम्पर्के भविष्यति।

---------------

Hindusthan Samachar / Dheeraj Maithani