मीरजापुरम्, 31 मईमासः (हि.स.)।

विश्वतांबूलनिषेधदिवसस्य अवसरे रविवासरे शुक्लहा स्थिते ब्रह्मकुमारीज़ मीरजापुरस्य प्रभु उपहार भवने जागरूकता-कार्यक्रमस्य आयोजनं कृतम्। कार्यक्रमे सेवा-केन्द्रेण सम्बद्धाः शतशः भ्रातरः, भगिन्यः मातरश्च सहभागित्वा तम्बाकू तथा अन्येषां सर्वेषां मादकपदार्थानां सेवनात् दूरं स्थातुं संकल्पं कृतवन्तः।

कार्यक्रमं सम्बोधयन्ती सेवा-केन्द्र-प्रभारी बीके बिंदु दीदी उक्तवती यत् तम्बाकू तथा अन्य-नशीले-पदार्थानां सेवनं व्यक्तेः शारीरिक-मानसिक-सामाजिक-जीवने प्रतिकूल-प्रभावं जनयति। तया उक्तं यत् नशा-व्यसनस्य कारणात् प्रतिवर्षं लक्षशः जनाः गम्भीर-रोगाणां शिकाराः भूत्वा अकाल-मृत्युं प्राप्नुवन्ति। अतः प्रत्येकेन व्यक्तिना स्वयम् नशामुक्तः भूत्वा अन्ये अपि अस्य विषये जागरूकाः कर्तव्याः।

तया उपस्थित-जनान् व्यसन-मुक्त-जीवनस्य अनुसरणार्थं समाजं च व्यसनमुक्तं कर्तुं शपथवचनं दत्तम्। बीके बिंदु दीदी उक्तवती यत् स्वस्थ-सकारात्मक-जीवनशैली एव सुखी-जीवनस्य आधारः अस्ति तथा नशातः दूरत्वं स्थापयित्वैव समाजाय उत्तमा दिशा दातुं शक्यते।

अस्मिन् अवसरे उपस्थिताः सर्वे भ्रातरः, भगिन्यः मातरश्च संकल्पं कृतवन्तः यत् ते कस्यापि प्रकारस्य व्यसनस्य सेवनं न करिष्यन्ति तथा स्वपरिवारं समाजं च नशामुक्तं कर्तुं सहयोगं करिष्यन्ति।

कार्यक्रमस्य उद्देश्यं जनान् तम्बाकू तथा अन्य-नशापदार्थानां दुष्प्रभावेषु जागरूकान् कर्तुं स्वस्थ-सुखी-सकारात्मक-जीवनशैलीम् अपनयितुं प्रेरयितुं च आसीत्।

---------------

Hindusthan Samachar / Dheeraj Maithani