कोलकाता, 31 मईमासः (हि.स.)। पश्चिम बंगाले वरिष्ठ-भाजपा-नेत्रा तथा राज्य-मन्त्रिणा दिलीप घोषेण तृणमूल कांग्रेस इत्यस्य लोकसभा-सांसदस्य अभिषेक बनर्जेः उपरि जातस्य आक्रमणस्य निन्दा कृता।

रविवासरस्य प्रातःकाले संवाददातृभिः सह वार्तालापं कुर्वन् दिलीप घोष उक्तवान्, “अभिषेक बनर्जी इत्यस्य सह यत् अभवत् तत् न भवितव्यम् आसीत्। कस्यापि व्यक्तेः कृते विधिं स्वहस्ते ग्रहीतुं अधिकारः नास्ति। तथापि आक्रोशं प्रकटयन्तः ते एव पीडिताः सन्ति ये गत-पञ्चदश-वर्षेभ्यः बहु दुःखम् अनुभूतवन्तः। प्रत्येकः जनः पीडितः कृतः।”

दिलीप घोष उक्तवान् यत् जनानां अन्तःस्थितः अयं क्रोधः कदाचित् बहिः अवश्यं प्रकटिष्यते। तेन उक्तं यत् अभिषेक बनर्जिना निर्वाचन-परिणामान् दृष्ट्वा परिस्थितिः अवगन्तव्या आसीत्। “भवान् तत्र नायकवत् सम्मानं प्राप्तुं किमर्थं गतवान्?”

दिलीप घोषः उक्तवान् यत् “२२-वाहन-युक्त-काफिलेन सह भ्रमणं कुर्वन् व्यक्तिः यदि एवं प्रकारेण नायकः भवितुं प्रयतते, तर्हि किं भविष्यति? पीडित-जनाः अवसरस्य प्रतीक्षां कुर्वन्ति। भवान् तान् जनान् एतादृशम् अवसरं किमर्थं ददाति?”---------------------

Hindusthan Samachar / Dheeraj Maithani