Enter your Email Address to subscribe to our newsletters
गुवाहाटी, 04 मईमासः (हि.स.)। असमराज्यस्य विधानसभानिर्वाचनम् २०२६ वर्षस्य कृते अद्य प्रातः ८ वादनात् आरभ्य राज्यस्य १२६ विधानसभासनानां मतगणना प्रवृत्ता। सर्वेषां १२६ आसनानां प्रवृत्तयः प्रकाशिताः सन्ति, यत्र भारतीयजनतापार्टी ८० आसनेषु तथा स्वसहयोगिभिः सह १०० आसनेषु अग्रे वर्तते। भाजपायाः प्रमुखनेतारः अपि प्रवृत्तिषु अग्रतां धारयन्ति। राजधानी गुवाहाटी नगरे सर्वासु पञ्चसु आसनेषु अपि अग्रता दृश्यते।
राज्यस्य प्रमुखविपक्षदलम् काङ्ग्रेस २४ आसनेषु, एआईयूडीएफ द्वयोः आसनयोः, राइजर दलः एकस्मिन् आसने अग्रे वर्तते। अपरत्र भाजपायाः सहयोगिदलानि बीपीएफ १० आसनेषु, अगप १० आसनेषु च अग्रे सन्ति।
जोरहाट विधानसभाक्षेत्रे १४ चरणेषु षट् चरणानां मतगणना सम्पन्ना। अस्मिन् क्षेत्रे असमप्रदेशकाङ्ग्रेसाध्यक्षः सांसदः च गौरव गोगोई भाजपायाः अभ्यर्थिनः हितेन्द्रनाथगोस्वामिनः प्रति ९२८५ मतैः पश्चात् वर्तते। हितेन्द्रनाथगोस्वामी २७९०३ मतानि प्राप्तवान्, गौरव गोगोई तु १८६१८ मतानि प्राप्तवान्।
जालुकबारी विधानसभाक्षेत्रात् मुख्यमन्त्री हिमन्त बिस्व सरमा निर्वाचनं करोति। अस्य आसनस्य कृते १८ चरणेषु मतगणना भविष्यति, यत्र त्रयः चरणाः सम्पन्नाः। मुख्यमन्त्रिणे १८८०५ मतानि प्राप्तानि। सः स्वस्य समीपतमप्रतिद्वन्द्विन्याः काङ्ग्रेस अभ्यर्थिन्याः बिदिशा नेओगस्य उपरि ११९३९ मतैः अग्रे वर्तते।------------------
हिन्दुस्थान समाचार