Enter your Email Address to subscribe to our newsletters
- राज्यपालः एल.एन.सी.टी. विश्वविद्यालयस्य पञ्चम दीक्षांत समारोहम् अकरोत् संबोधितम्।
भोपालम्, 04 मईमासः (हि.स.) ।
मध्यप्रदेशस्य राज्यपालः मंगुभाई पटेल उक्तवान् यत् समाजसेवायामेव जीवनस्य सार्थकता निहिता अस्ति। समाजसेवया वञ्चितवर्गीयः अपि राज्यपालः भवितुं शक्नोति, चायविक्रेता अपि प्रधानमन्त्रित्वं प्राप्तुं शक्नोति। भारतीयसंस्कृतेः ध्येयवाक्यं “वसुधैव कुटुम्बकम्” इति अनुसृत्य शिक्षितस्य पुरुषस्य परमं कर्तव्यं वञ्चितानां दरिद्राणां च सुखसमृद्ध्युत्थानयोः कृते कार्यकरणम् अस्ति।
राज्यपालः सोमवासरे भोपाल-नगरे स्थिते एलएनसीटी-विश्वविद्यालयस्य पञ्चमे दीक्षान्तसमारोहे विद्यार्थिनः सम्बोधितवान्। सः विद्यार्थिभ्यः उक्तवान् यत् ते आत्मविश्वासिनः, नवोन्मेषशीलाः, उत्तरदायिनः नागरिकाः भूत्वा स्वशिक्षया प्रतिभया च आत्मनिर्भरं समृद्धं सशक्तं विकसितं भारतं निर्मातुं योगदानं कुर्वन्तु।
अस्मिन् अवसरे तेन सांसदाः रविकिशनः, राजीवशुक्लः, देवूसिंहचौहानः, चलचित्र-अभिनेता तथा कास्टिङ्-निर्देशकः मुकेशछाबड़ा, सेज-समूहस्य अध्यक्षः संजीवअग्रवालः च “डॉक्टर ऑफ फिलॉसफी” इत्यस्य मानदोपाध्या सम्मानिताः। औषधनिर्माण, विधिशास्त्र, अभियान्त्रिकी, प्रबन्धन, पत्रकारिता, चिकित्साविज्ञान-क्षेत्रेषु पीएचडी-उपाधिं स्वर्णपदकानि च प्राप्तवन्तः विद्यार्थिनः अपि उपाधिभिः सम्मानिताः। अतिथिभिः विश्वविद्यालयस्य दीक्षान्तस्मारिका तथा जयनारायणचौकसे-लिखिता आत्मकथाग्रन्थः अपि प्रकाशितः।
राज्यपालः उक्तवान् यत् दीक्षान्तशपथः भाविजीवनस्य मार्गदर्शिका अस्ति। प्राप्तोपाधिः मनसा वाचा कर्मणा च राष्ट्रस्य समाजस्य मानवजातेश्च सेवां कर्तुं संकल्पः अस्ति, यस्य पालनं प्रतिदिनं कर्तव्यं भवति। प्रधानमन्त्रिणा नरेन्द्रमोदिना प्रवर्तिता राष्ट्रियशिक्षानीतिः परिवर्तनकारी उपक्रमः अस्ति, या शिक्षणप्रक्रियां अधिकं प्रभाविनीं व्यावहारिकीं परिणाममुखीं च कृतवती। अस्याः सन्दर्भे तेन तकनीकीसंस्थानां भूमिकां अत्यन्तमहत्त्वपूर्णां उक्तवान्।
सः उक्तवान् यत् विश्वविद्यालयाः पाठ्यक्रमान् कालानुकूलान् कुर्वन्तु, शिक्षां केवलं उपाधिप्राप्त्यन्तं न सीमयन्तु। विद्यार्थिनां सृजनात्मकता नवोन्मेषशक्तिश्च राष्ट्रनिर्माणस्य आधारशिला भवेत्। कृत्रिमबुद्धिमत्ता, दत्तांशविज्ञानम्, साइबरसुरक्षा, हरितप्रौद्योगिकी इत्यादीनां नवप्रवृत्तीनां शिक्षायाम् अविभाज्यभागत्वं करणीयम् इति अपि तेन प्रतिपादितम्।
तथा च विद्यार्थिनः केवलं सैद्धान्तिकज्ञानस्य न, अपि तु व्यावहारिकसमसामयिकवैश्विकमानकानुरूपसमाधानक्षमतायाः विकासं कुर्वन्तु इति अवदत्। विश्वविद्यालयाः परियोजनाधारितशिक्षणम्, प्रशिक्षणावकाशान्, उद्यमशीलतायाः अवसरान्, कौशलविकासं च प्रदाय विद्यार्थिनः “कार्यअन्वेषकाः” न, किन्तु “कार्यप्रदातृभ्यः” रूपेण निर्माणं कुर्वन्तु इति सः उक्तवान्।
पश्चाद् राज्यस्य पृष्ठवर्ग-अल्पसंख्यककल्याणमन्त्री कृष्णागौरः उक्तवती यत् प्रत्येकः दीक्षितः विद्यार्थी शिक्षासंस्कारनवोन्मेषकौशलसम्पन्नः राष्ट्रविकासस्य उत्तरदायी च अस्ति। सा अपि अवदत् यत् प्रधानमन्त्रिणः नरेन्द्रमोदिनो दृष्ट्या “विकसितभारत २०४७” इति संकल्पः कृतः, यस्य सिद्ध्यर्थं युवानः सकारात्मकतया नवोन्मेषेन मानवीयमूल्यैः सह राष्ट्रसेवायां समर्पिताः भवन्तु।
सांसदः देवूसिंहचौहानः स्वस्य आकाशवाणी-अभियन्तृपदत्यागं कृत्वा राजनैतिकजीवने प्रवेशनस्य वृत्तान्तं कथयित्वा विद्यार्थिनः अवदत् यत् निरन्तरपरिश्रम एव सफलतायाः मूलम्। सांसदः राजीवशुक्लः अपि स्वर्णपदकविजेतृभ्यः अभिनन्दनं कृत्वा अन्यान् विद्यार्थिनः उत्साहितवान् यत् ते निराशाः न भवन्तु, कौशलं विकसितवन्तः भवन्तु।
अभिनेता सांसदः रविकिशनः विद्यार्थिभ्यः लक्ष्यनिर्धारणस्य महत्त्वं प्रतिपाद्य निरन्तरप्रयत्नस्य आवश्यकतां दर्शितवान्, स्वजीवनस्य संघर्षकथां वर्णयित्वा राष्ट्रसेवायां प्रेरितवान्।
कार्यक्रमे स्वागतभाषणं एलएनसीटी-समूहस्य अध्यक्षः जयनारायणचौकसे कृतवान्, आभारप्रदर्शनं च सचिवः अनुपमचौकसे कृतवान्।
---------------
हिन्दुस्थान समाचार