-सपा बहादुरेण उत्तर प्रदेशे 'सत्तायाः स्वप्नदर्शनं' त्यक्तव्यम्

लखनऊ, 04 मईमासः (हि.स.)।उत्तरप्रदेशस्य उपमुख्यमन्त्री केशवप्रसादमौर्यः अवदत् यत् अद्य सम्पूर्णे देशे “भारत माता की जय”, “वन्दे मातरम्” तथा “जय श्रीराम” इति जयघोषाः निनदिष्यन्ति। राष्ट्रहितं सर्वोपरि अस्ति, तुष्टिकरणस्य अवैधप्रवेशस्य च राजनीतिं कुर्वन्तः स्वाभाविकरूपेण व्याकुलाः भविष्यन्ति। जनाः विकासेन, सुरक्षया आत्मगौरवेण च सह स्थिताः सन्ति।

उपमुख्यमन्त्री सोमवासरे स्वस्य सामाजिकमाध्यमे ‘एक्स’ इत्यस्मिन् लिखितवान् यत् सपा-नेता अखिलेशयादवः इत्येतं प्रति जनाः अधुना श्रोतुं न इच्छन्ति। तस्य तमिलनाडु-राज्यस्थितः ‘भ्राता’ एमकेस्टेलिन तथा पश्चिमबङ्गालस्य ‘दीदी’ममताबेनर्जी अपि जनैः उपेक्षितौ स्तः। तस्य ‘भ्राता’ Rahul Gandhi इत्यस्य अवस्था पूर्वमेव सर्वैः दृष्टा। अलीकाले बिहार-राज्ये तेजस्वी यादवोऽपि पराजयं प्राप्तवान्।

अधुना सपा-नेता २०२७ वर्षे उत्तरप्रदेशे सत्तास्वप्नदर्शनं त्यक्तुं अर्हति। सत्यं तु एतत् यत् नरेंद्रमोदिनः करिश्मात्मकनेतृत्वे सपा-नेतुः कृते अधुना केवलम् ‘अनन्तप्रतीक्षा’ एव अवशिष्टा अस्ति। “जय भाजपा, तय भाजपा” इति।

हिन्दुस्थान समाचार