Enter your Email Address to subscribe to our newsletters
ग्वालियरम्, 04 मईमासः (हि.स.)।पश्चिमबङ्गसहितेषु अन्येषु राज्येषु प्रकटमानानां निर्वाचनपरिणामानां विषये मध्यप्रदेशस्य मुख्यमन्त्री डॉ. मोहन यादव महत्त्वपूर्णं तीक्ष्णं च वक्तव्यं प्रदत्तवान्। स एतान् परिणामान् जनविश्वासस्य राष्ट्रवादीचिन्तनस्य च विजयः इति निरूपितवान्। मुख्यमन्त्री स्पष्टतया उक्तवान् यद् “यदा ममता बनर्जी निर्ममतां करिष्यति तदा तस्य मूल्यं अवश्यमेव दातव्यम्।” स नरेन्द्र मोदिनो नेतृत्वे देशव्यापिनि सुशासनस्य वर्धमानस्वीकारतां एतस्य विजयस्य प्रमुखकारणम् इति उक्तवान्।
मुख्यमन्त्री डॉ. मोहन यादवः सोमवासरे ग्वालियरनगरे माध्यमैः सह संवादं कुर्वन् अवदत् यत् पश्चिमबङ्गे असमे च भारतीय जनता पार्टी प्राप्ता ऐतिहासिकी विजयः जनविश्वासस्य अभिव्यक्तिः अस्ति। स “अङ्ग, बङ्ग, कलिङ्ग” इति उल्लिख्य उक्तवान् यत् सर्वासु दिशासु पक्षस्य ध्वजः उद्गतः अस्ति, यत् राष्ट्रवादीविचारधारायाः व्यापकस्वीकारतां दर्शयति।
स अवदत् यत् असमराज्ये पुनरपि अनधिकृतप्रवेशिनां विरुद्धं राष्ट्रवादीशक्तीनां समर्थनं प्रदत्तम्, पश्चिमबङ्गे च जनाः कठिनपरिस्थितिषु अपि लोकतन्त्रे दृढविश्वासं प्रदर्शितवन्तः। मुख्यमन्त्री बङ्गराज्यस्य मतदातारः प्रशंसन् अवदत् यत् ते सर्वासु बाधासु, हिंसाभयमण्डले च स्थित्वा अपि स्वमताधिकारं उपयुज्य लोकतान्त्रिकमूल्यानि सुदृढीकृतवन्तः।
डॉ. मोहन यादवः बङ्गप्रदेशस्य ऐतिहासिकपृष्ठभूमिं निर्दिश्य अवदत् यत् स्वातन्त्र्यपूर्वकाले अयं प्रदेशः देशस्य समृद्धतमेषु क्षेत्रेषु गणितः आसीत्, किन्तु कालान्तरे राजनैतिकनेतृत्वस्य असफलताभिः सः अनुवर्तमानेन प्रकारेण पश्चाद्गतः। स उक्तवान् यत् पूर्वं भारतीय राष्ट्रिय कांग्रेस, अनन्तरं वामपन्थिनः, ततः तृणमूल कांग्रेस शासनकाले बङ्गस्य स्थिति क्रमशः अधोगता अभवत्। एते निर्वाचनपरिणामाः तस्य दुरवस्थायाः विरुद्धं जनस्य सशक्तः प्रतिकारः इति स निरूपितवान्।
मुख्यमन्त्री उक्तवान् यन्ममता दीदी स्वनीतिभ्यः कार्यपद्धत्याश्च मूल्यं दातुं बाधिता अभवत्।” स अपि अवदत् यत् निर्वाचनपूर्वप्रकाशिताः बहवः सर्वेक्षणाः अद्य सार्थकाः सिद्धाः। जनतया स्पष्टः जनादेशः भारतीय जनता पार्टी पक्षे दत्तः। स अवदत् यत् नरेन्द्र मोदी नेतृत्वे एषः द्वाविंशतितमः राज्यः अस्ति यः राष्ट्रियेन जनतांत्रिकगठबंधनेन सह तिष्ठति, तथा सप्तदशे राज्ये पक्षस्य मुख्यमन्त्री भविष्यति। एतत् दर्शयति यत् देशव्यापिनि पक्षस्य स्वीकार्यता वर्धते, जनतया सुशासनं प्राथमिकतया स्वीक्रियते।
स अवदत् यत् नरेन्द्र मोदी, अमित शाह तथा राष्ट्रियनेतृत्वस्य मार्गदर्शनेन देशे विकाससुशासनयोः धारा निरन्तरं प्रवहति। एतस्य विजयस्य श्रेयः पक्षस्य समर्पितकार्यकर्तॄणां परिश्रमाय जनस्नेहाय च दत्तवान्। स बङ्गजनतां विशेषतया अभिनन्दन् अवदत् यत् तैः न केवलं पक्षसमर्थनं दर्शितम्, अपि तु निर्वाचनकाले हिंसा, आतंकः अन्याः चुनौतयः च धैर्येण सम्मुखीकृताः। स उक्तवान् यज् “जनता स्वनिर्णये दृढा आसीत्, तस्यैव परिणामः यत् भारतीय जनता पार्टी बहुमतं प्राप्तवती।”
अन्ते स अवदत् यत् येषु राज्येषु पूर्णसफलता न प्राप्ता, तत्रापि पक्षस्य प्रदर्शनं दर्शयति यत् नरेन्द्र मोदिनो नेतृत्वे सुशासनस्य प्रवाहः सम्पूर्णदेशे प्रसृतः। अयं जनादेशः केवलं राजनैतिकपरिवर्तनं न, अपि तु राष्ट्रस्य भविष्यदिशां निर्धारयितुं शक्तः संकेतः इति स निष्कर्षेण उक्तवान्। स सर्वान् विजयीउम्मीदवारान्, कार्यकर्तॄन्, देशवासिनश्च अभिनन्द्य शुभाशंसाः प्रदत्तवान्।
---------------
हिन्दुस्थान समाचार