नवदिल्लीनगरम्, ०४ मईमासः (हि.स.)। देशस्य पञ्चसु राज्येषु सम्पन्नानां विधानसभानिर्वाचनानां परिणामेषु भारतीयजनता-दलस्य ऐतिहासिक-प्रदर्शनानन्तरं दलस्य मुख्यालये दलाध्यक्षः नितिननवीन: एतत् ऐतिहासिकं क्षणम् इति उक्तवान्। भाजपा-कार्यालये आयोजिते विजय-उत्सवे समागतान् कार्यकर्तॄन् सम्बोधयन् सः अवदत् यत् एषः सर्वेषां कृते ऐतिहासिकः क्षणः अस्ति। अद्य पञ्चसु राज्येषु सम्पन्नेषु विधानसभानिर्वाचनेषु देवतुल्यया जनतया भाजपा-दलाय यत् समर्थनं दत्तं, तस्मै सर्वेभ्यः जनपदेभ्यः अभिनन्दनम्। जनतया भाजपा-नेतृत्वे तथा राष्ट्रीय जनतांत्रिक गठबंधन-गठबन्धने च स्वविश्वासः प्रकटितः।

सः अवदत् यत् अद्य ४ मई-दिवसः अस्ति, परिणामाः च प्राप्ताः सन्ति; किन्तु ४ जून २०२४-दिवसस्य स्मरणं कृत्वा सः उक्तवान् यत् तस्मिन् काले जनतया अस्माकं नेतृत्वे यत् समर्थनं दत्तं, तत्र काचित् अपूर्णता अवशिष्टा आसीत्। अद्य पुनः प्रचण्ड-बहुमतं दत्त्वा जनतया सा अपूर्णता पूरिता, अनन्तरं च सर्वेषु निर्वाचन-प्रक्रियासु जनतया भाजपा-दलाय प्रचण्ड-विजयः दत्तः, नरेन्द्रमोदी-महोदयस्य नेतृत्वे आस्था-विश्वासौ च पुनः स्थापितौ।

नितिननवीन: उक्तवान् यत् पश्चिमबङ्गाल-असम-पुडुचेरी-राज्येषु प्राप्ताः परिणामाः स्पष्टयन्ति यत् देशस्य जनतायाः विश्वासः समर्थनं च नरेन्द्र मोदी-महोदयं प्रति अस्ति। जनतायै कृतज्ञतां प्रकटयन् सः अवदत् यत् दक्षिणभारते अपि अग्रिमकाले कमलस्य विकासः भविष्यति। पश्चिमबङ्गाले कार्यकर्तॄणाम् अथक-परिश्रमः तपस्या च सफलतां प्राप्तवन्तौ। अधुना राज्येषु भाजपा-सर्वकार: पुनः स्थाप्यते। जनतया नरेन्द्र-मोदी-महोदयाय स्नेहः समर्थनं च पुनः प्रदर्शितम्; द्विवर्षयोः अनन्तरम् अपि स एव स्नेहः अविच्छिन्नः अस्ति। तस्य नेतृत्वे गङ्गोत्री-प्रदेशात् आरभ्य गङ्गासागर-पर्यन्तं सर्वत्र भाजपा-सर्वकार: निर्मीयते।

अन्ते सः अवदत् यत् श्यामाप्रसादमुखर्जी-महोदयस्य जन्मभूमिं जनतया भाजपा-मयी कृता, तस्मै अभिनन्दनम्। सः विपक्षस्य भारतीयराष्ट्रीयकांग्रेस-पक्षस्य आलोचनां कृत्वा अवदत् यत् तेन जनतां प्रति अन्यायः कृतः, नारी-वन्दन-अधिनियमस्य अपमानं कृतम्, हिन्दू-विरोधी-कार्यक्रमः च प्रवर्तितः। सः उक्तवान् यत् अद्य उत्सवस्य दिवसः अस्ति, श्वः पुनः निर्वाचन-सज्जासु प्रवर्तिष्यामः। अस्माकं नेतारः कार्यकर्तारः च सर्वासु परिस्थितिषु विजयम् सुनिश्चित्य भाजपा-पताकां पुनः उत्थापयितुं निरन्तरं संलग्ना:।

हिन्दुस्थान समाचार / अंशु गुप्ता