लखनऊ-नगरम्, ०४ मे-मासः (हि.स.)। पूर्व-मन्त्रिमण्डल-मन्त्री डॉ.रीता-बहुगुणा-जोशी इत्यस्याः पतिः पी.सी.जोशी सोमवासरे लखनऊ-स्थिते संजय-गान्धी-आयुर्विज्ञान-संस्थाने आकस्मिकतया दिवंगतः। अस्य सूचनां डॉ.रीता-बहुगुणा-जोशी स्वीय-सामाजिक-माध्यमे स्वयं प्रकाशितवती।

पी.सी.जोशी इत्यस्य पार्थिव-शरीरं अद्य सायं चतुर्वादने प्रयागराज-नगरं प्राप्स्यति। अन्त्येष्टिः श्वः प्रातः प्रयागराजे भविष्यति इति ज्ञातम्।

विदितम् अस्ति यत् डॉ.रीता-बहुगुणा-जोशी उत्तर-प्रदेशस्य पूर्व-मुख्यमन्त्रिणः हेमवती-नन्दन-बहुगुणस्य पुत्री अस्ति तथा सा प्रयागराज-लोकसभाक्षेत्रात् सांसद-रूपेण अपि कार्यं कृतवती।

हिन्दुस्थान समाचार / अंशु गुप्ता