Enter your Email Address to subscribe to our newsletters
सिलीगुड़ी, 04 मईमासः (हि.स.)।सोमवासरे प्रातःकाले मतगणना आरब्धमात्रे एव सिलीगुड़ी-महाविद्यालये स्थिते मतगणनाकेंद्रे महान् तनावः अभवत्। पोस्टल-बैलेट् सम्बद्धेषु षट्सु पेटिकासु पञ्च पेटिकाः पूर्वमेव उद्घाटिताः आसन् इति तृणमूलकांग्रेसस्य आरोपानन्तरं स्थिति अत्यन्तं तनावपूर्णा जाता।
तृणमूलप्रतिनिधयः कथितव्यवधानस्य विरोधे प्रदर्शनम् आरब्धवन्तः, यस्य कारणात् सिलीगुड़ी-विधानसभाक्षेत्रस्य मतगणना अस्थायिरूपेण स्थगिता अभवत्।
सत्तारूढदलेन उक्तं यत् पोस्टल-बैलेट् पेटिकाः मुद्रिताः (सीलयुक्ताः) भवितव्याः आसन्, किन्तु पञ्च पेटिकाः पूर्वमेव उद्घाटिताः प्राप्ताः। अस्य विवादस्य कारणात् सिलीगुड़ी-महाविद्यालय-केंद्रे सिलीगुड़ी, माटीगाड़ा-नक्सलबाड़ी तथा फांसीदेवा—एतेषां त्रयाणां महत्त्वपूर्णानां विधानसभाक्षेत्राणां मतगणना आरभ्यितुं न अशक्यत।
मतगणनाकेंद्रस्य अन्तः तृणमूलप्रतिनिधीनां निर्वाचनाधिकारिणां च मध्ये तीव्रा वादविवादा अपि अभवन्। तृणमूलकांग्रेस एतस्मिन् विषये निर्वाचनायोगस्य त्वरितं हस्तक्षेपं याचितवती, तथा च आरोपितवती यत् गणनायां हेरफेरस्य उद्देशेन पेटिकानां मुद्राः पूर्वमेव भग्नाः।
अन्यतः परिस्थितिं नियन्त्रणाय मतगणनाकेंद्रे अतिरिक्तं केन्द्रीयबलं पुलिसबलं च नियुक्तम्। जिलानिर्वाचनाधिकारी अस्य विषयस्य अनुसन्धानं कुर्वन्ति, किन्तु अद्यापि निर्वाचनायोगात् किमपि आधिकारिकं वक्तव्यं न प्रकाशितम्।
एतेषां त्रयाणां आसनानां मतगणना स्थगितत्वात् अभ्यर्थिभ्यः आरभ्य सामान्यजनपर्यन्तं चिन्ता तथा उत्सुकता च व्याप्ता अस्ति।
हिन्दुस्थान समाचार